کانگریس کے سابق صدر راہل گاندھی اور پارٹی کی جنرل سکریٹری پرینکا گاندھی نے کورونا ٹیکے کی شدید قلت پر مودی حکومت پر حملہ کرتے ہوئے کہا کہ وہ کورونا سے مرنے والوں کی صحیح تعداد نہیں بتا رہی ہے۔
راہل گاندھی نے ٹوئٹ کیا کہ بھارتی حکومت کورونا سے ہونے والی اموات کے اصل اعداد و شمار کو چھپا رہی ہے۔
اس سے پہلے انہوں نے ٹیکہ کی کمی پر حکومت کو نشانہ بنایا اور کہا کہ کورونا وبا کے خلاف سب سے مضبوط سیکورٹی شیلڈ صرف ویکسین ہے۔ ملک کے ہر فرد تک مفت ٹیکہ کاری پہنچانے کے لیے آپ بھی آواز اٹھائیں۔ مرکزی حکومت کو بیدار کریں۔'
پرینکا گاندھی نے فیس بک پوسٹ میں کہا کہ آج ملک میں روزانہ 19 لاکھ لوگوں کو ویکسین لگ پارہی ہے۔ مرکزی حکومت کی غیر سنجیدہ پالیسی نے ویکسین کی تقسیم کو بیچ میں لاکر چھوڑ دیا ہے۔'
انہوں نے کہا کہ بھارت کے لوگوں نے امید کی تھی کہ سب کے لیے مفت ویکسین کی پالیسی بنے گی لیکن مرکزی حکومت نے دیا کیا۔ ویکسین مراکز پر تالے، ملک ایک اور ویکسین کی قیمت تین، اب تک محض 3.4فیصد آبادی کا فل ویکسینیش، ذمہ داری اور قربانی کا بوجھ ریاستوں پر ڈالنا، بے سمت ویکسین پالیسی اپنایا ہے'۔
-یو این آئی
