وارانسی: گیانواپی مسجد معاملے میں سروے کی سی ڈی اور ویڈیو فریقین کے حوالے کیے جانے کے فوراً بعد رپورٹ لیک ہوگئی۔ سروے کی ویڈیوز بھی وائرل ہوئیں۔ یہ معاملہ سامنے آنے کے بعد ہندو فریق نے خود کو اس سے الگ کر لیا ہے اور دعویٰ کیا ہے کہ کسی نے سروے کا ویڈیو وائرل کر دیا ہے۔ اس سے کسی بڑی سازش کی بو آ رہی ہے۔ اس نے اپنے چار لفافے بھی دکھائے اور کہا کہ لفافے ابھی بھی بند ہیں اور وہ اسے منگل کو عدالت میں پیش کر دیں گے۔ Leaked video of survey will surrender in court today in gyanvapi case
ہندو فریق کے وکیل ہری شنکر جین اور سدھیر ترپاٹھی نے بتایا کہ ان لوگوں کو لفافہ ملا ہے۔ یہ ابھی تک نہیں کھولا گیا ہے۔ ایسے میں بڑا سوال یہ ہے کہ ویڈیو کیسے لیک ہوئی؟ اب ہم اپنے تمام لفافے منگل کو عدالت میں پیش کریں گے اور عدالت میں اس کی شکایت کریں گے۔ عدالت میں بیان حلفی دینے کے بعد مدعی فریق کی پانچ میں سے چار خواتین نے ہندو فریق سے سیل بند لفافے میں رپورٹ کی سی ڈی حاصل کی۔ بتایا جا رہا ہے کہ حلف نامہ نہ دینے کی وجہ سے دوسرے فریق کو ابھی تک رپورٹ یا سی ڈی نہیں ملی ہے۔
مزید پڑھیں:۔ Gyanvapi Masjid Survey Video Leaked: گیان واپی مسجد ویڈیو گرافی سروے کا ویڈیو لیک
گیانواپی مسجد کیس میں کمیشن کی کارروائی کے دوران کی گئی ویڈیو گرافی کی رپورٹ لیک ہوگئی۔ اس رپورٹ کے لیک ہونے کے بعد کئی سوالات اٹھ رہے ہیں، کیونکہ مدعی کی خواتین نے عدالت میں بیان حلفی دے کر یہ ثبوت حاصل کیے تھے۔ حلف نامے میں یہ بھی واضح طور پر لکھا گیا تھا کہ یہ ثبوت کسی بھی صورت میں متعلقہ افراد کے علاوہ کسی کو نہیں دیا جائے گا، تاہم اس کے لیک ہونے کے بعد کئی سوالات اٹھ رہے ہیں۔ اس سب کے درمیان ای ٹی وی بھارت کی تحقیقات میں ایک اور بات سامنے آئی ہے، مدعیہ کی خواتین نے میڈیا کے سامنے لفافے رکھے تھے۔ ان لفافوں میں ایک ہی مہر سے تین لفافے سیل تھے اور اس طرح ایک لفافہ بھی سامنے آیا جس میں سات مہریں لگائی گئی تھیں، جس کے بعد یہ سوال اٹھتا ہے کہ اس لفافے کو باقی تین لفافوں سے الگ کیوں سیل کیا گیا؟
