معاشی اعتبار سے کمزور افغانستان کو طبی امداد Medical Assistance to Afghanistan کے حصے کے طور پر بھارت نے جمعہ کے روز کابل کو دو ٹن ضروری ادویات فراہم کیں۔
وزارت خارجہ کی پریس ریلیز میں کہا گیا کہ افغان عوام کے لیے ہماری جاری انسانی امداد کے ایک حصے کے طور پر بھارت نے آج افغانستان کو دو ٹن ضروری ادویات پر مشتمل طبی امداد کی تیسری کھیپ فراہم کی،"۔
طبی امداد کابل کے اندرا گاندھی ہسپتال کے حوالے کر دی گئی۔
وزارت خارجہ کی ریلیز میں مزید کہا گیا ہے کہ اس کوشش میں ہم نے حال ہی میں عالمی ادارہ صحت (WHO) کے ذریعے افغانستان کو کووڈ ویکسین کی 10 لاکھ خوراکیں اور 1.6 ٹن طبی امداد فراہم کی ہے،" Humanitarian Assistance to Afghanistan
یہ بھی پڑھیں: India Supplies Covaxin Doses to Afghanistan: بھارت نے مزید 5 لاکھ 'کوویکسین خوراک' افغانستان کے حوالے کی
بیان میں یہ بھی کہا گیا کہ بھارت افغانستان کے لوگوں کے ساتھ خصوصی تعلقات کو جاری رکھنے اور انہیں انسانی امداد فراہم کرنے کے لیے پرعزم ہے اور بھارت نے افغانستان کو دوائیوں اور غذائی اجناس پر مشتمل انسانی امداد کے مزید کھیپ فراہم کرنے کا بھی وعدہ کیا۔
