ریاست کرناٹک کے شہر گلبرگہ میں لاک ڈاؤن کے دوران ائمہ کرام اور مؤذنین کو اذان دینے اور نماز کی ادائیگی کے لئے مسجد جانے پولیس پاس کی اجرائی کے لئے کرناٹک مسلم پولٹیکل فورم کے عہدہ داران شاہ نواز خان شاہین، علیم احمد اور افضال محمود نے آج ڈپٹی کمشنر آف پولیس ضلع گلبرگہ مسٹر کشور بابو سے ملاقات کی۔
ان قائدین نے ماہ رمضان کے پیش نظر اور شہر میں جاری لاک ڈاؤن کے نفاذ کے سبب ڈپٹی کمشنر پولیس سے درخواست کی کہ گلبرگہ ضلع میں مساجد کے پیش اماموں اور مؤذن حضرات کو مساجد کو جانے اور وہاں نماز ادا کر نے کے لئے پولیس پاس جاری کئے جائیں تاکہ ان حضرات کو مساجد میں اذاں دینے اور نماز ادا کر نے میں کوئی رکاوٹ نہ ہو۔
