جے پور: راجستھان کے وزیر اعلی اشوک گہلوت نے آج یہاں ریاستی حکومت کے چار سال مکمل ہونے پر ریاستی سطح کی ترقیاتی نمائش کا افتتاح کیا۔ جواہر کلا سنٹرمیں منعقدہ نمائش میں گہلوت نے 25 محکموں کے تمام اسٹالوں کا دورہ کیا اور محکموں کے ذریعہ کئے گئے ترقیاتی کام کاج، کامیابیوں اور اختراعات کا مشاہدہ کیا۔ گہلوت نے تمام محکموں کے افسران کو ہدایت دی کہ وہ اسکیموں کے بارے میں زیادہ سے زیادہ بیداری پھیلانے کے لیے آخری سرے پر بیٹھے شخص کو فائدہ پہنچائیں۔Gehlot Government 4th Anniversary
وزیر اعلیٰ نے فیتہ کاٹ کر اور چراغاں کر کے نمائش کا افتتاح کیا۔ گہلوت نے سیوا ہی کرم، سیوا ہی دھرم' کا پیغام دینے والی ترقیاتی نمائش میں موجودہ حکومت کے دور میں مختلف شعبوں میں کیے گئے ترقیاتی کام اور اسکیموں تصاویر، خاکے، ماڈل اور دیگر مواد کو دیکھا۔ انہوں نے بہترحکمرانی کے لیے حکومت کے عزم کو ظاہر کرنے والی نمائش کو سراہا۔ انہوں نے کہا کہ اس سے عام لوگ حکومت کے فلاحی فیصلوں، پروگراموں، پالیسیوں اور اسکیموں کے بارے میں معلومات حاصل ہوسکے گی۔
گہلوت نے محکمہ زراعت کے اسٹال پر قرض معافی سے مستفید ہونے والے کسانوں سے بات چیت کی۔ نمائش میں وزیر اعلیٰ نے محکمہ اطلاعات و تعلقات عامہ کے سوجس ایپ، سوجس بلیٹن، سوجس ای بلیٹن اور سوجس پوڈ کاسٹ 'آواز' کا افتتاح کیا۔
وزیر اعلیٰ نے نمائش کے مقام پر بنائے گئے سوجس اسٹوڈیو سے حکومت کے 4 سال مکمل ہونے پر ریاستی عوام کے نام ایک ویڈیو پیغام بھی ریکارڈ کیا۔ انہوں نے محکمہ ٹرانسپورٹ و روڈ سیفٹی کے اسٹال پر حادثے کے شکار افراد کی جان بچانے کے لیے دی جانے والی ٹریننگ کا لائیو ڈیمو دیکھا۔ انہوں نے نمائش میں نصب موبائل اسٹوڈیو میں 7-ڈی سینما کا بھی دورہ کیا۔ نمائش کے دوران وزیر اعلیٰ کے سامنے اسکولی لڑکیوں نے ریاستی حکومت کی طرف سے لڑکیوں کو دی جا رہی سیلف ڈیفنس ٹریننگ کا مظاہرہ کیا۔
گہلوت نے کہا کہ ہم نے انتخابی منشور کو سرکاری دستاویز بنا کر وعدوں کو پورا کیا ہے۔ ہم نے عوام کے جذبات کے مطابق عوامی منشور بنایا جس کی بنیاد پر پالیسی سازی اور عملدرآمد کا کام ہو رہا ہے۔ سماجی تحفظ کے لیے تقریباً ایک کروڑ لوگوں کو پنشن دی جا رہی ہے۔ ریاستی حکومت نے آئی ٹی کا استعمال کرتے ہوئے ریاست میں جوابدہ اور شفاف گڈ گورننس قائم کرنے کا کام کیا ہے۔ بدعنوان اہلکاروں کے خلاف مسلسل کارروائیاں جاری ہیں۔ اندرا رسوئی یوجنا میں عام لوگوں کو صرف آٹھ روپے میں غذائیت سے بھرپور کھانا دیا جا رہا ہے۔ ریاست میں خواتین اور لڑکیوں کی ماہواری سے متعلق صحت کے بندوبست کے لیے 800 کروڑ روپے کی 'اڑان یوجنا' کے ذریعے مفت سینیٹری نیپکن تقسیم کیے جا رہے ہیں۔ حکومت کی اسکیموں کی وجہ سے آج 46 لاکھ گھریلو صارفین اور کسانوں کا بجلی کا بل صفر آ رہا ہے۔ اندرا گاندھی اربن ایمپلائمنٹ گارنٹی اسکیم کے ذریعے شہری علاقوں کے بے روزگاروں کو راحت دی جارہی ہے۔
-
हमने चुनावी घोषणा पत्र को सरकारी दस्तावेज बनाकर वादों को पूरा किया है। हमने जनता की भावनाओं के अनुरूप जन घोषणा पत्र बनाया, जिसको आधार बनाकर नीति निर्माण एवं क्रियान्वयन का कार्य किया जा रहा है। सामाजिक सुरक्षा के लिए लगभग 1 करोड़ लोगों को पेंशन दी जा रही है।
— Ashok Gehlot (@ashokgehlot51) December 17, 2022 " class="align-text-top noRightClick twitterSection" data="
2/2 pic.twitter.com/VX0O9Exc78
">हमने चुनावी घोषणा पत्र को सरकारी दस्तावेज बनाकर वादों को पूरा किया है। हमने जनता की भावनाओं के अनुरूप जन घोषणा पत्र बनाया, जिसको आधार बनाकर नीति निर्माण एवं क्रियान्वयन का कार्य किया जा रहा है। सामाजिक सुरक्षा के लिए लगभग 1 करोड़ लोगों को पेंशन दी जा रही है।
— Ashok Gehlot (@ashokgehlot51) December 17, 2022
2/2 pic.twitter.com/VX0O9Exc78हमने चुनावी घोषणा पत्र को सरकारी दस्तावेज बनाकर वादों को पूरा किया है। हमने जनता की भावनाओं के अनुरूप जन घोषणा पत्र बनाया, जिसको आधार बनाकर नीति निर्माण एवं क्रियान्वयन का कार्य किया जा रहा है। सामाजिक सुरक्षा के लिए लगभग 1 करोड़ लोगों को पेंशन दी जा रही है।
— Ashok Gehlot (@ashokgehlot51) December 17, 2022
2/2 pic.twitter.com/VX0O9Exc78
گہلوت نے کہا کہ عام آدمی کو مہنگے علاج سے نجات دلانے کے لیے مکھیہ منتری چرنجیوی ہیلتھ انشورنس اسکیم لاگو کی گئی ہے۔ اس میں 10 لاکھ روپے تک کا مفت علاج کیا جا رہا ہے۔ ریاستی حکومت گردے، دل اور جگر کی پیوند کاری جیسے مہنگے علاج کے لیے 10 لاکھ روپے کی حد کو ختم کر کے تمام اخراجات برداشت کر رہی ہے۔ اس کے ساتھ پانچ لاکھ روپے تک کا حادثہ کا انشورنس بھی دیا جا رہا ہے۔ ریاستی حکومت کی طرف سے آئی پی ڈی، او پی ڈی میں ہر قسم کا علاج مفت کیا گیا ہے۔ ریاست میں عام آدمی کا سی ٹی اسکین، ایم آر آئی، اسکین جیسے مہنگے ٹیسٹ مفت کیے جا رہے ہیں۔ ان تاریخی فیصلوں سے راجستھان صحت کے میدان میں ایک ماڈل ریاست کے طور پر ابھرا ہے۔
وزیر اعلیٰ نے کہا کہ ریاستی حکومت نےریاست میں اولڈ پنشن اسکیم (او پی ایس) کو نافذ کیا۔ انہوں نے کہا کہ ہمارا مالیاتی انتظام بہترین رہا ہے جس کی وجہ سے ریاست میں تمام اسکیمیں کامیابی کے ساتھ چل رہی ہیں۔ انہوں نے کہا کہ ریاستی حکومت کے اب تک کے تمام بجٹ عام لوگوں کو راحت فراہم کر رہے ہیں۔ آئندہ بجٹ کے لیے ریاستی حکومت کی جانب سے عام لوگوں سے تجاویز طلب کی گئی ہیں۔ ریاستی حکومت کو اب تک 70 ہزار سے زیادہ تجاویز موصول ہوئی ہیں۔ آنے والا بجٹ عام آدمی کے جذبات کے مطابق بنایا جائے گا۔
وزیر اعلیٰ نے کہا کہ راجستھان کورونا کے دور میں بہترین طبی انتظام کے ذریعے پورے ملک میں آگے تھا۔ انہوں نے کہا کہ 'بھیلواڑہ ماڈل' کو کورونا وبا کے بہترین انتظام کے لیے پوری دنیا میں سراہا گیا۔ ورلڈ ہیلتھ آرگنائزیشن (ڈبلیو ایچ او) نے بھی راجستھان کی تعریف کی۔ریاست کے ہر اسپتال میں آکسیجن، ضروری ادویات اور بستروں کے اضافی انتظامات کیے گئے تھے۔ اس کا نتیجہ یہ نکلا ہے کہ راجستھان میں اموات کی شرح دیگر ریاستوں کے مقابلے بہت کم رہی۔ گہلوت نے کہا کہ 500 سے زیادہ ویڈیو کانفرنسنگ کی گئی، جس میں گرام پنچایت سطح تک کے ممبران شامل تھے۔ ادویات اور طبی آلات کا بندوبست ، لاک ڈاؤن کے دوران ملازمت سے ہاتھ دھونے والے مزدوروں اور گلیوں میں دکانداروں کا سروے کیا گیا۔ اس دوران ڈی بی ٹی کے ذریعے لاکھوں لوگوں کے کھاتوں میں مالی امداد کی رقم بھیجی گئی۔
یہ بھی پڑھیں: Bal Gopal Yojana مکھیا منتری بال گوپال یوجنا کو دو کے بجائے چار دن نافذ کرنے کا مطالبہ
یواین آئی
