سونمرگ میں ہنگ پارک کے نزدیک برفانی تودہ گرنے سے کسی بھی جانی یا مالی نقصان کی کوئی اطلاع فی الحال موصول نہیں ہوئی ہے۔ تفصیلات کے مطابق آج صبح ہنگ پارک سونمرگ جو کہ ضلع گاندربل میں واقع ہے اچانک برفانی تودہ گرنے سے مقامی لوگوں میں خوف و ہراس کا ماحول پیدا ہو گیا ہے۔ تاہم کسی بھی جانی یا مالی نقصان کی کوئی اطلاع نہیں ملی ہے۔ واضح رہے اس علاقے میں چند ہفتے قبل برفانی تودے کی زد میں آنے سے کشتواڑ کے دو مزدور جو ٹنل کی تعمیری کام پر معمور تھے، ان کی موت ہو گئی۔ جبکہ محکمہ موسمیات نے اس علاقے میں پہلے ہی برفانی تودے گرنے کی وارننگ جاری کی تھی، اور لوگوں سے ان علاقوں میں احتیاط برتنے کےلئے کہا گیا تھا۔
جموں سری نگر شاہراہ پر بھی مٹی کے تودے گرنے سے آمدورفت متاثر ہوگئی ہے۔ تین دن سے آمدورفت روک دی گئی۔ جموں وکشمیر کے معروف سیاحتی مقام گلمرگ میں ایک ہفتہ قبل برفانی تودہ گر آنے کے بعد حکام نے فوری طور راحت و بچاؤ کے اقدامات کئے تھے۔ ریزارٹ گلمرگ میں ’’افروٹ چوٹی‘‘ پر اچانک برف کا تودہ گرآیا تھا جس میں نصف درجن کے قریب سیاح پھنس گئے تھے۔ جبکہ ریسکیو آپریشن کے دوران 19بین الاقوامی سیاحوں اور دو مقامی گائیڈز کو ریسکیو کر لیا گیاتھا۔ جموں و کشمیر پولیس اور ٹورزم محکمہ کی جانب سے فوری طور ریسکیو آپریشن شروع کیا گیا تھا۔ جس میں دو سیاحوں کی لاشیں برآمد کی گئیں تھی۔
مزید پڑھیں:Avalanche Hits Gulmarg گلمرگ میں برفانی تودہ گر آنے سے دو سیاحوں کی موت
