بڈگام: وسطی کشمیر کے ضلع بڈگام کے شیخپورہ میں قائم پنڈت کالونی میں آج پھر سے کشمیری پنڈتوں نے احتجاج کیا۔ راہل بٹ کی ہلاکت کے تیس روز مکمل ہونے پر کشمیری پنڈتوں نے کینڈل مارچ نکالا۔ احتجاج کرنے والوں کا کہنا تھا کہ حکومت نے ایک مرتبہ پھر سے ان کے ساتھ وعدہ خلافی کی اور دھوکہ دیا ہے۔ Protest in Pandit Colony
رواں ماہ کے ابتدا میں ایل جی انتظامیہ نے کشمیری پنڈتوں کو یقین دلایا تھا کہ چھ جون تک کشمیری پنڈتوں کے لیے کوئی ٹھوس اقدام اٹھایا جائے گا جس کے بعد انھوں نے احتجاج ختم کر دیا تھا، لیکن آج پھر سے کشمیری پنڈتوں نے احتجاج کیا۔ ان کا کہنا تھا کہ آج بارہ جون ہے اور اب تک کوئی فیصلہ نہیں کیا گیا جس سے صاف ظاہر ہوتا ہے کہ سرکار نے ایک مرتبہ پھر سے وعدہ خلافی کی۔ احتجاجیوں کا یہ بھی کہنا تھا کہ وہ کینڈل مارچ باہر تک لے جانا چاہتے تھے مگر کالونی کا گیٹ بند کردیا گیا اور باہر جانے کی اجازت نہیں دی گئی۔ ان کا صرف ایک ہی مطالبہ ہے کہ انہیں جموں منتقل کیا جائے۔
یہ بھی پڑھیں:
