بارہمولہ:شمالی کشمیر ضلع بارہمولہ کے ضلع ترقیاتی کمشنر ڈاکٹر سعد سحرش اصغر نے آج ویروان مہاجر کالونی کا دورہ کیا۔ ان کے ہمراہ مختلف محکموں کے افسران بھی شرکت تھے۔ موصوفہ نے وہاں مقیم پنڈتوں کے ساتھ بات چیت بھی کی۔
دورے کے دوران ڈی سی نے پنڈتوں کے مسائل سنے اور انہیں حل کرنے کی یقین دہانی کی۔ ڈی سی نے پنڈتوں سے ملاقات کے دوران کہا کہ جموں و کشمیر انتظامیہ ہر سطح پر ان کے شانہ بہ شانہ کھڑی ہیں۔
ڈاکٹر سحرش اصغر نے اس دوران تمام اعلی افسروں کو ہدایت دی کہ مہاجر کالونی کے اندر بنیادی سہولیات جن میں پانی ، بجلی، راشن کا پورا انتظامت کرے تاکہ ان کو کسی طرح کی پریشانیوں سے دوچار نہ ہونا پڑے۔
مزید پڑھیں:
ہم آپ کو بتادیں کہ گزشتہ ہفتے مشتبہ عسکریت پسندوں نے بڈگام کے چاڈورہ میں ایک کشمیری پنڈت کو گولی مار کر ہلاک کیا۔ اس ہلاکت کے بعد کشمیر میں مقیم پنڈتوں نے زبردست احتجاج کیا اور انتظامیہ سے پنڈتوں کو سکیورٹی فراہم کرنے کی اپیل کی ہے۔
