خانصاحب، بڈگام میں عوامی دربار منعقد

لوگوں کے گھروں تک پہنچ کر عوامی مشکلات جاننے اور انہیں حل کرنے کی غرض سے سرکار نے ’’بلاک دیوس‘‘ مہم کو شروع کیا تھا، اسی مہم کے تحت وسطی کشمیر کے ضلع بڈگام میں عوامی دربار کا انعقاد عمل میں لایا گیا۔

عوامی دربار کے دوران خانصاحب علاقے کے کئی وفود نے ڈی سی بڈگام کے ساتھ ملاقات کی اور اپنے اپنے علاقوں میں درپیش مشکلات کے حوالے سے انہیں آگاہ کیا۔

وفود نے بنیادی سہولیات کے فقدان - بجلی، پانی کی عدم دستیابی اور سڑکوں کی خستہ حالی کے حوالے سے ڈی سی بڈگام کو جانکاری دی۔

ضلع ترقیاتی کمشنر نے عوامی شکایات سننے کے بعد متعلقہ حکام پر زور دیتے ہوئے کہا کہ عوامی مشکلات کو فوری طور حل کرنے کے لیے ٹھوس اقدامات اٹھائے جائیں۔

پروگرام کے دوران ایس ڈی ایم خانصاحب، سی ایم او، سی ای او، اے سی ڈی اور تمام لائن ڈپارٹمنٹس کے اعلیٰ عہدیدار موجود رہے۔