پٹنہ: بہار میں آر جے ڈی نے بدھ کو ایک نیا پوسٹر جاری کیا ہے جس میں جے ڈی یو کے سربراہ و بہار کے وزیر اعلی نتیش کمار کو بار بار رخ بدلنے کے رجحان کے لئے نشانہ بنایا گیا۔ پٹنہ میں ویر چند پٹیل پاتھ پر آر جے ڈی کے دفتر کے باہر پوسٹر لگایا گیا۔ اس میں ایک طرف نتیش کمار کی متحرک تصویر ہے اور دوسری طرف آر جے ڈی لیڈر تیجسوی یادو کی تصویر ہے۔ اس میں آر جے ڈی کے تین کارکنوں کی تصاویر بھی ہیں۔
نتیش کمار کی تصویر کے بولتی تصویر لگائی گئی جس میں لکھا گیا: “بار بار پلت تو ہوں یار، میں ہوں نتیش کمار۔ جن سیوا نہیں، کرتا ہو ویپر، میں ہو نتیش کمار۔ تیجسوی کی تصویر کے ساتھ بولتی تصویر میں لکھا ہے کہ: "میں تیجسوی ہوں، بہار میرا پریوار ہے، جن جن کی خدمت کے لیے ہمیشہ رہتا ہوں تیار، 17 سال والے کچھ نہیں کر سکے، میں 17 ماہی میں نوکریوں کی لگائی امبر"۔
پوسٹر پر تبصرہ کرتے ہوئے آر جے ڈی کے ترجمان مرتنجے تیواری نے کہا: "یہ آر جے ڈی کا آفیشل پوسٹر نہیں ہے۔ پارٹی کارکنوں نے اسے ہمارے دفتر کے گیٹ کے باہر لگا دیا۔ لیکن پوسٹر میں جو کچھ بھی بتایا گیا ہے وہ بالکل سچ ہے۔ نہ صرف آر جے ڈی کارکنان بلکہ پورے بہار کے لوگ محسوس کرتے ہیں کہ نتیش کمار نے جو کیا وہ غلط تھا۔
مزید پڑھیں: کوڑا گیا پھر سے کوڑے دان میں: لالو کی بیٹی کا نتیش کمار پر طنز
مزید پڑھیں: اقتدار بچانے کی خاطر نتیش کمار کے پارٹیاں بدلنے کے ریکارڈ میں اضافہ
واضح رہے کہ جے ڈی یو سربراہ نتیش کمار نے پچھلے ماہ آر جے ڈی کے ساتھ اتحاد توڑ کو بی جے پی کے ساتھ اتحاد کیا جس کے باعث انہیں چوطرفہ تنقید کا نشانہ بنایا جارہا ہے۔ نتیش کمار نے اس سے پہلے کہا تھا کہ ہم مرجانا پسند کریں گے لیکن بی جے پی کے ساتھ اتحاد نہیں کریں گے وہیں دوسری جانب سے امت شاہ نے بھی بہار میں ایک عوامی ریلی سے خطاب کے دوران کہا تھا کہ نتیش کمار کے لئے بی جے پی کے دروازہ ہمیشہ ہمیشہ کے لئے بند ہوچکے ہیں۔
آئی اے این ایس
