گیا: گیا ضلع کے مانپور کے مفصل تھانہ علاقہ میں واقع نیو پہاڑتلی محلے میں فائرنگ میں بزرگ شخص کی ہوئی موت معاملہ میں نامعلوم افراد کے خلاف مقدمہ درج ہوا ہے۔ پولیس نے جائے وقوعہ سے درجنوں کھوکے بھی برآمد کیے تھے۔ اس سے اندازہ لگایا جا سکتا ہے کہ گزشتہ رات پیش آئے اس واقعہ میں کس طرح شدید طور پر فائرنگ کی گئی ہے۔ فائرنگ اور سنگ باری میں 72 سال کے محمد صلاح الدین کی موت ہوئی تھی۔ جب کہ زخمی محمد محبوب کا علاج ہو رہا ہے۔ متوفی کے بیٹے سہیل عالم کے بیان پر ایف آئی آر درج ہوئی ہے۔ واقعہ کے بعد ہی پولیس یہاں کیمپ کر رہی ہے۔ علاقہ میں اب تک دہشت کا ماحول ہے اور واردات کے بعد سے نیو آبگیلہ پہاڑی تل محلے میں سراسیمگی پھیلی ہوئی ہے اور علاقہ میں کشیدگی بھی ہے۔
یہ بھی پڑھیں:
گیا میں سماج دشمن عناصر کی فائرنگ میں ایک بزرگ شخص کی موت، ایک زخمی - TENSE SITUATION IN GAYA
مقامی لوگوں نے بتایا کہ تین چار دن پہلے بارات آرہی تھی تبھی کالی پوکھر کے پاس کچھ بدمعاشوں نے باراتی میں سے کسی کا موبائل چھین لیا تھا، اس کی مخالفت میں موبائل چھیننے والوں کی پٹائی ہوئی تھی، بتایا جا رہا ہے کہ گزشتہ رات پیش آیا واقعہ موبائل چھیننے اور پھر ہوئی پٹائی سے پیدا ہوئے تنازعہ کو لے کر ہوا ہے۔ وہیں اس فائرنگ میں جاں بحق ہونے والے محمد صلاح الدین کے لواحقین کو انچل افسر سبودھ کمار نے خاندانی فوائد منصوبہ کے تحت بیس ہزار روپے کا چیک دیا ہے۔
دوسری جانب علاقہ میں کشیدگی مزید پیدا نہ ہو، اس کو لے کر صدر ایس ڈی او کسلے کمار اور اے ڈی ایم لا اینڈ آرڈر گاؤں میں کیمپ کر رہے ہیں۔ ایس ایس پی نے بتایا کہ شرپسند عناصر کی گرفتاری کے لیے ایڈیشنل ایس پی انصاری کی قیادت میں ایس آئی ٹی تشکیل دی گئی ہے۔ مختلف جگہوں پر چھاپے مارے جارہے ہیں۔ جلد ہی پولیس شرپسند عناصر کو گرفتار کرے گی اور اسپیڈی ٹرائل چلاکر سزا دلوانے کو یقینی بنائے گی۔
