بیدر: حضرت قاضی عبدالصمد المعروف شاہ راجوقتال رحمتہ اللہ علیہ کا 586 واں سالانہ عرس شریف نہایت ہی عقیدت واحترام کے ساتھ منایا جائے گا۔ یہ سہ روزہ عرس 24 مئی سے شروع ہوکر 26 مئی تک چلے گا۔ تفصیلات کے بموجب حسب روایات 24 مئی بروز جمعہ بعد نماز عشاء جلوس صندل قیام گاہ سجادہ نشین ومتولی درگاہ سے نکل کر اپنی آخری منزل کو پہنچے گا جہاں عقیدت مند، جلوس صندل کا استقبال کریں گے۔
محمد ساجد متولی، علماء مشایقین عظام، عقیدت مندان، مقررین و اہلیان مرزا پور کی موجودگی میں صندل مبارک کی رسم کو انجام دیں گے۔
سلام و نیاز گلہائے عقیدت، فاتحہ، تبرکات تقسیم ہونگے بعدازاں محفل سماع کا آغاز ہوگا۔ 25 مئی بروز ہفتہ بعد نماز فجر تناول طعام عام وخاص ہوگا اور اسی روز بعد نماز مغرب جشن چراغاں اور جلسہ عظمت اولیاء کا انعقاد عمل میں لایا جائے گا۔
26 مئی بروز اتوار بعد نماز فجر ختم القرآن مجید فاتحہ تقسیم تبرکات ہوں گے۔ صدر محمد حاجی، نائب صدر محمد حاجی پاشاہ گرام پنچایت ممبر، خزانچی محمد عبدالجلیل کی سر پرتی میں تمام عرس کے مراسم انجام دیے جائیں گے۔ منتظمین عرس اور انتظامی کمیٹی نے بلا لحاظ مذہب و ملت عقیدت مندان سے عرس شریف میں شرکت کی گذارش کی ہے۔
یہ بھی پڑھیں:
