کولکاتا:مغربی بنگال کے دارالحکومت کولکاتا میں واقع عالمی شہرت یافتہ اسٹیڈیم انڈن گارڈنس میں میزبان کولکاتا نائٹ رائڈرس اور راجستھان رائلس کی ٹیمیں آمنے سامنے ہیں۔دونوں ٹیموں کے درمیان پوائنٹ ٹیبل میں برتری کی جنگ دلچسپ اور سنسنی خیز ہونے کا امکان ہے۔
راجستھان رائلس چھ میچوں میں پانچ جیت اور ایک شکست کے ساتھ 10 پوائنٹ کی بدولت لیگ ٹیبل میں پہلی پوزیشن پر ہے جبکہ میزبان کولکاتا نائٹ رائڈرس پانچ میچوں میں چار جیت اور ایک شکست کی بدولت آٹھ پوائنٹ کے ساتھ دوسری پوزیشن پر ہے۔
گوتم گمبھیر اپنے طریقے سے کولکاتا نائٹ رائڈرس کی ٹیم کو منظم کر رہے ہیں۔ میشل اسٹارک کافی عرصے سے آوٹ آف فارم چل رہے تھے۔ لیکن گزشتہ روز اتوار کو ایڈن گارڈنس میں وہ بھی شاندار فارم میں واپس آگئے۔ انہوں نے گزشتہ میچ میں تین وکٹ حاصل کئے تھے۔ آسٹریلیائی تیز گیندباز اپنی تال میل میں واپس آنے پر خوش ہیں۔
یہ بھی پڑھیں:حیدرآباد نےبنگلورو کو 25 رنز سے شکست دی - IPL 2024
لیکن تیز گیند باز نے وضاحت کی کہ انہیں آئی پی ایل میں ڈھالنے کے لیے کچھ وقت درکار ہے۔ ویبھو اروڑا، آندرے رسل ،ورون چکرورتی، ہرشیت رانا، سنیل نارائن کی مسلسل اچھی کارکردگی کے ساتھ اسٹارک کی فارم نائٹس کیمپ کا فخر اور دوسری ٹیموں کے لیے تشویش کا باعث ہے۔
