شوپیان: مرکز کے زیر انتظام یوٹی جموں و کشمیر کے ضلع شوپیان کے کمدلن علاقے میں جلسے میں بھارتیہ جنتا پارٹی ضلع صدر محمد یوسف بٹ اور پربھاری سجاد علی رینا نے بطور مہمان خصوصی شرکت کی۔
اس دوران بی جے پی کے سینئر لیڈروں نے پروگرام میں موجود لوگوں سے خطاب کیا اور پردھان منتری نریندر مودی کی حکومت کی طرف سے چلائی جارہی کہی اسکیموں کے بارے میں عام لوگوں کو جانکاری دی ۔
اس پروگرام کے دوران عاسمہ جان زوجہ شکیل احمد نے ایک سو سے زائد لوگوں سمیت بھارتی جنتا پارٹی میں شمولیت اختیار کی اور بتایا کہ وہ بی جے پی کی طرف سے غریبوں کے لئے چلائی جارہی اسکیموں سے کافی متاثر ہوئی اور اسی وجہ سے بی جے پی پارٹی میں شامل ہوئی ۔
یہ بھی پڑھیں:لوک سبھا انتخابات، سی ای او نے کی جموں میں میٹنگ منعقد
پارٹی کنوینشن کے دوران محمد یوسف بٹ جو کہ بی جے پی شوپیاں کے ضلع صدر ہے نے بتایا کہ نوجوانوں کی پارٹی میں شمولیت اس بات کا سبز اشارہ ہے کہ نوجوان ترقی اور خوشحالی کے لیے سیاست میں شامل ہو رہے ہیں۔انہوں نے بتایا کہ آنے والے انتخابات میں جموں و کشمیر سے بی جے پی پارٹی بھاری اکثریت سے کامیاب ہوگی۔