سرینگر:جہاں ایک طرف جموں و کشمیر میں لوک سبھا انتخابات کے چوتھے مرحلہ کے تحت سرینگر حلقہ میں پولنگ جاری ہے دوسری طرف سیاحوں میں زبردست جوش و خروش دیکھنے کو مل رہا ہے۔انتخابات کے باوجود سیاحوں کی کشمیر آمد پر کوئی کمی نہیں آئی ہے۔
ای ٹی وی بھارت کے ساتھ خصوصی گفتگو کرتے ہوئے سیاحوں نے بتایا کہ کشمیر میں کافی تبدیلی دیکھنے کو مل رہی ہے۔ کیونکہ ہم نے صبح نے دیکھا کہ آج کشمیر کو کافی عوام انتخابات میں حصہ لے رہی ہے۔ یہ کافی خوشی کی بات ہے۔کشمیر بدل رہا ہے۔
انہوں نے کہا کہ ہم اکثر و بیشتر سنتے تھے کہ جموں و کشمیر میں کافی کم ووٹنگ دیکھنے کو مل رہی تھی لیکن آج ہم نے دیکھا کہ مقامی باشندوں میں ووٹنگ کو لے کر زیردست جوش و خروش پایا جا رہا ہے۔لوگ ووٹ ڈالنے میں مصروف ہیں۔یہ اس بات کی گواہی دیتا ہے کہ کشمیر میں امن و امان ہے اور سب کچھ بدل چکا ہے۔
یہ بھی پڑھیں:یہ الیکشن صاف و شفاف نہیں ہے، عمر عبداللہ اور فاروق عبداللہ کا گلہ - NC ON TARGETING WORKERS
سیاح نے کہا کہ پہلے لوگ انتخابات میں کم حصہ لیتے تھے لیکن اب ایسا نہیں ہے۔نوجوانوں،بزرگوں اور خواتین میں ووٹ کو لےکر خاصی دلچسپی پائی جارہی ہے۔مقامی باشندے بہتر مستقبل کے لئے ووٹ ڈال رہے ہیں۔کشمیری عوام کے لئے اس سے زیادہ خوشی کی بات اور کیا ہو سکتی ہے۔
