పెద్దపల్లి జిల్లా మంథని క్యాంపు కార్యాలయంలో.. మాజీ ప్రధాని రాజీవ్గాంధీ వర్ధంతిని నిర్వహించారు. ఎమ్మెల్యే శ్రీధర్ బాబు.. ఆయన చిత్రపటానికి పూలమాలలు వేసి ఘన నివాళులు అర్పించారు. దేశ ప్రగతి కోసం మాజీ ప్రధాని చేసిన త్యాగాలు ఎనలేనివంటూ కొనియాడారు. అభివృద్ధి చెందుతోన్న దేశాల సరసన భారత్ను నిలిపాడన్నారు. అనంతరం నియోజక వర్గంలో పలు సేవా కార్యక్రమాలు చేపట్టారు.
విదేశాల్లో స్థిరపడ్డ తన మిత్రుడి సాయంతో.. నియోజక వర్గ ప్రజలకు క్యాంపు కార్యాలయంలో ఆక్సిజన్ కాన్సన్ట్రేటర్ను అందుబాటులోకి తీసుకువస్తున్నట్లు ఎమ్మెల్యే తెలిపారు. కరోనా కష్ట కాలంలో అవసరమున్నవారు.. డాక్టర్ సలహా నిమిత్తం వాడుకోవచ్చని తెలిపారు. కరోనా వారియర్స్గా ముందుండి సేవలందిస్తోన్న వైద్య సిబ్బందికి మాస్కులు, శానిటైజర్లు అందించారు. ప్రింట్ అండ్ ఎలక్ట్రానిక్ మీడియానూ.. ఫ్రంట్లైన్ వారియర్స్ జాబితాలో చేర్చాలని ప్రభుత్వాన్ని కోరారు.
ఇదీ చదవండి: కరోనా కరాళ నృత్యం.. పర్యవేక్షణపై ప్రజాప్రతినిధులు, అధికారుల అలసత్వం
