కరోనాతో మరణించిన వారిని తరలించడానికి ఫీడ్ ద నీడ్ స్వచ్ఛంద సంస్థ ముందుకొచ్చింది. మానవతా దృక్పథంతో అంబులెన్స్ సేవలను అందుబాటులోకి తెచ్చింది. మేడ్చల్ జిల్లా నేరేడ్మెట్లో రాచకొండ సీపీ మహేశ్ భగవత్ 'లాస్ట్ జర్నీ' సేవలను ప్రారంభించారు.
మంచిపని చేసేందుకు ముందుకొచ్చిన ఫీడ్ ద నీడ్ సంస్థ వారికి సీపీ ధన్యవాదాలు తెలిపారు. గతేడాది ప్రారంభించిన అంబులెన్స్ సేవలను మళ్లీ కేసులు పెరుగుతున్నందున పునరుద్ధరిస్తున్నట్లు ఆయన వెల్లడించారు. ఎవరికైనా సేవలు కావాలంటే రాచకొండ కొవిడ్ కంట్రోల్ రూమ్ నంబర్లు 9490617234, 7995404040 ను సంప్రదించవచ్చని సీపీ మహేశ్ భగవత్ సూచించారు.
