New Year Celebrations Restrictions in Cyberabad : నూతన సంవత్సర వేడుకలకు భాగ్యనగరం సిద్ధమైంది. మరికొద్ది గంటల్లో నూతన ఏడాది 2024లోకి అడుగుపెట్టబోతున్నాం. ఈక్రమంలో పోలీసు శాఖ ఎక్కడా ఎలాంటి అవాంఛనీయ సంఘటనలు జరగకుండా అప్రమత్తమైంది. సైబరాబాద్లో నూతన సంవత్సర(New Year) ఆంక్షలు విధించామని సీపీ అవినాశ్ మహంతి తెలిపారు. సైబరాబాద్లో ఏర్పాటు చేసిన సమావేశంలో ఈమేరకు ఆంక్షలను ప్రజలకు వివరించారు.
అందరూ సంతోషంగా న్యూయర్ జరుపుకోవాలని సైబరాబాద్ సీపీ అవినాశ్ మహంతి ఆకాంక్షించారు. ఎవరికీ ఇబ్బంది కలగకుండా సెలబ్రేషన్స్ చేసుకోవాలని సూచించారు. సైబరాబాద్ పరిధిలోని పై వంతెనలు, ఓఆర్ఆర్, పీవీ ఎక్స్ప్రెస్ వేపై రాకపోకలకు అనుమతి నిరాకరించామని చెప్పారు. కేవలం విమానాశ్రయానికి వెళ్లే వారిని మాత్రమే అనుమతిస్తామని తెలిపారు.
New Year 2024 Celebrations Hyderabad : ఇవాళ రాత్రి 8 గంటల నుంచి ట్రాఫిక్ పోలీసులు డ్రంక్ అండ్ డ్రైవ్(Drunk and Drive) తనిఖీలు చేస్తారని సీపీ అవినాశ్ మహంతి వివరించారు. బైకులు, కార్లతో స్టంట్స్, ఓవర్ స్పీడ్గా వెళ్లే వారిపై కఠిన చర్యలు తీసుకుంటామని హెచ్చరించారు. నిరంతరం పెట్రోలింగ్ టీం, క్రైమ్ టీం, షీ టీమ్స్ విధుల్లో ఉంటారని వెల్లడించారు.
హైదరాబాద్లో న్యూయర్ వేడుకలపై పోలీసుల ఆంక్షలు - రాత్రి 1 గంట వరకే పర్మిషన్
న్యూయర్ వేళ ఈవెంట్స్కు పర్మిషన్ అడిగిన వారికి కొన్ని గైడ్ లైన్స్ ఇచ్చామని సైబరాబాద్ సీపీ అవినాశ్ మహంతి తెలిపారు. ఎవరైనా సరే రూల్స్ అతిక్రమిస్తే చర్యలు తప్పవని హెచ్చరించారు. వేడుకల్లో ఎవరైనా ఏమైనా ఇబ్బంది పెడితే డయల్ 100(Dail 100)కు ఫిర్యాదు చేయాలని సూచించారు. వెంటనే అక్కడకు వచ్చి సమస్యను పరిష్కరిస్తామని చెప్పారు.
New Year Guidelines in Cyberabad : ఎవరైనా ర్యాష్ డ్రైవింగ్ చేస్తే అలాంటి వాహనాల కోసం ప్రత్యేక కెమెరాలు ఏర్పాటు చేశామని పేర్కొన్నారు. డ్రగ్స్ విషయంలో పబ్స్ యాజమాన్యం బాధ్యత వహించాలని చెప్పారు. పబ్ పార్కింగ్ ప్లేస్లలో సీసీ కెమెరాల నిఘా ఉండాలని పబ్స్ యాజమాన్యానికి సూచనలు చేశారు. కొత్త ఏడాది రోజు రోడ్లపై కేక్ కట్టింగ్స్ చేయవద్దని సైబరాబాద్ సీపీ అవినాశ్ మహంతి ప్రజలకు విజ్ఞప్తి చేశారు.
"ప్రతి ఒక్కరు న్యూయర్ వేడుకలను జరుపుకోవాలి. చాలా జాగ్రత్తగా వేడుకలను జరుపుకోవాలి. ఈ వేడుకలు కూడా కొన్ని నిబంధనలకు లోబడి చేసుకోవాలి. లేకపోతే కఠిన చర్యలు తీసుకోవాల్సి వస్తోంది. ఎవరికీ ఎలాంటి అసౌకర్యం కలిగించకుండా వేడుకలు చేసుకోవాలి. ఫ్లైఓవర్లు, ఓఆర్ఆర్, పీవీ ఎక్స్ప్రెస్ వేలు బ్లాక్ చేయడం జరిగింది. విమానాశ్రయానికి వెళ్లేవారు టికెట్లు చూపిస్తే పంపిస్తాం." - అవినాశ్ మహంతి, సైబరాబాద్ సీపీ
సైబరాబాద్లో పోలీసుల ఆంక్షల వివరాలు :
- సైబరాబాద్ పరిధిలోని పై వంతెనలు, ఓఆర్ఆర్, పీవీ ఎక్స్ప్రెస్ వేలపై రాకపోకలకు అనుమతి లేదు.
- స్టంట్స్, ఓవర్ స్పీడ్ వెళ్లిన వారిపై కఠిన చర్యలు
- పెట్రోలింగ్ టీం, క్రైమ్ టీం, షీ టీమ్స్ విధుల్లో ఉంటాయి
- ఈవెంట్స్కు పర్మిషన్ అడిగిన వారికి కొన్ని గైడ్ లైన్స్ ఇచ్చాము, ఆ రూల్స్ అతిక్రమిస్తే చర్యలు.
- ఎవరైనా ఇబ్బందిపెడితే డయల్ 100కు ఫిర్యాదు చేయాలి
- ర్యాష్ డ్రైవింగ్ వాహనాల కోసం ప్రత్యేక కెమెరాలు నిఘాలో ఉన్నాయి.
- డ్రగ్స్ విషయంలో పబ్స్ యాజమాన్యం బాధ్యత వహించాలి.
- పబ్ పార్కింగ్ ప్లేస్లలో సీసీ కెమెరాలతో నిఘా ఉంచాలి.
- రోడ్లపై కేకులు కట్ చేయవద్దు.
న్యూయర్ స్పెషల్ - మెట్రో టైమింగ్స్ పెంపు, లాస్ట్ ట్రైన్ ఎప్పుడంటే?
హైదరాబాద్లో న్యూయర్ వేడుకలకు రాచకొండ సీపీ హుకుం - యువత జరభద్రం ఇక
