జీహెచ్ఎంసీ ఎన్నికల్లో భాగంగా కాప్రా ఒకటో డివిజన్లో తెరాస అభ్యర్థి స్వర్ణరాజు తరఫున కాప్రా సర్కిల్ ఇంఛార్జ్, మంత్రి ఎర్రబెల్లి దయాకర్ రావు, జనగామ ఎమ్మెల్యే ముత్తిరెడ్డి ప్రచారం నిర్వహించారు. హైదరాబాద్లో హిందూ, ముస్లింల మధ్య చిచ్చుపెట్టి గెలుద్దామని భాజపా అనుకుంటుందని విమర్శించారు. వరద సహాయం కూడా ఇవ్వొద్దని చెప్పి ఇప్పుడు తాము చెప్పలేదని నాయకులు బుకాయిస్తున్నారని ఆరోపించారు.
హైదరాబాద్లో ఇప్పటివరకు తెరాస ప్రభుత్వం రూ.60 వెల కోట్లకు పైగా అభివృద్ధి పనులు చేసిందన్నారు. కాప్రా డివిజన్ అభివృద్ధి కోసం రూ.వంద కోట్లు ఇస్తామని సీఎంతో హామీ ఇప్పించిన మంత్రి ఎర్రబెల్లి దయాకర్ రావు అని ఎమ్మెల్యే ముత్తిరెడ్డి కొనియాడారు. తెరాస ప్రభుత్వం చేసిన మంచి పనుల వల్ల మళ్లీ తానే గెలుస్తానని అభ్యర్థి స్వర్ణరాజు ధీమా వ్యక్తం చేశారు.
ఇదీ చదవండి: మీరు పైసా ఇవ్వకున్నా... మేం ఎంతో చేశాం: కేటీఆర్
