కాంగ్రెస్ లోక్సభ సభ్యుడు రేవంత్ రెడ్డిని అరెస్ట్ చేయడం సరికాదని సీఎల్పీనేత మల్లు భట్టి విక్రమార్క పేర్కొన్నారు. అసెంబ్లీ మీడియా పాయింట్ వద్ద ఆపార్టీ ఎమ్మెల్యేలతో కలిసి ఆయన మాట్లాడారు. తప్పును ప్రశ్నిస్తే అరెస్టులు ఎలా చేస్తారని భట్టి మండిపడ్డారు. ప్రజాస్వామ్య దేశంలో ఆరోపణలతో లోకసభ సభ్యుడిని అరెస్ట్ చేసి జైల్కి పంపడం మొదటి సారి అని తెలిపారు. బేషరతుగా వెంటనే రేవంత్ రెడ్డిపై పెట్టిన కేసు వెనక్కి తీసుకోవాలని... విడుదల చేయాలని డిమాండ్ చేశారు. మంత్రి కేటీఆర్ ఫామ్ హౌస్పై స్పందించి స్పష్టత ఇవ్వాలన్నారు.
ఎంపీ రేవంత్ రెడ్డి డ్రోన్ కెమెరాలు ఉపయోగించినట్లు ప్రభుత్వం ఆధారాలు బయటపెట్టాలని ఎమ్మెల్యే శ్రీధర్ బాబు డిమాండ్ చేశారు. ఎలాంటి ఆధారాలు లేకుండా కేసులు పెట్టడం సరైన పద్ధతి కాదని హితవు పలికారు. తను పార్టీ మారుతున్నట్లు తప్పుడు ప్రచారం చేస్తున్నారని ఆరోపించారు. వాటికి స్పందించాల్సిన అవసరంలేదని శ్రీధర్ బాబు స్పష్టం చేశారు.
ఇవీ చూడండి:కేసీఆర్ కృషితో ప్రగతిపథంలో రాష్ట్రం: గవర్నర్
