టీమ్ఇండియా మాజీ సారథి మహేంద్ర సింగ్ ధోనీ గుర్తించి ప్రత్యేకించి చెప్పనక్కర్లేదు. ఆయన ఆటతీరుకు ప్రపంచవ్యాప్తంగా ఫ్యాన్స్ ఉన్నారు. అయితే అంతర్జాతీయ క్రికెట్‌లో అన్ని ఫార్మాట్ల నుంచి రిటైర్మెంట్ తీసుకున్న ధోనీ.. కేవలం ఐపీఎల్ మాత్రమే ఆడుతున్నాడు. మరికొన్ని రోజుల్లో ప్రారంభంకానున్న ఐపీఎల్ 16 సీజన్ తర్వాత ధోనీ.. ఈ మెగా టోర్నీకీ రిటైర్మెంట్ ప్రకటిస్తాడని ప్రచారం జరుగుతోంది.
ఈ విషయంపై కెప్టెన్ కూల్‌ ఇప్పటివరకు ఎలాంటి ప్రకటన చేయలేదు. మహీ అభిమానులు మాత్రం ఈ వార్తలతో ఆందోళనకు గురవుతున్నారు. ఈ సందర్భంగా సాంకేతిక ప్రపంచంలో సరికొత్త సంచలనం, కృత్రిమ మేధ ఆధారంగా పనిచేసే చాట్‌జీపీటీని ధోనీ రిటైర్మెంట్ గురించి అడగ్గా అది ఆసక్తికరమైన సమాధానం ఇచ్చింది.
"నా వద్ద ధోనీకి సంబంధించిన అంతర్గత సమాచారం గానీ, అతడి వ్యక్తిగత ఆలోచనలు, ప్రణాళికలు లేవు. అందువల్ల, ధోనీ ఐపీఎల్ 2023 తర్వాత రిటైర్ అవుతాడో లేదో నేను కచ్చితంగా అంచనా వేయలేను. ధోనీ రిటైర్మెంట్ తీసుకోవాలా.. వద్దా అనేది.. అతడి ఫిట్‌నెస్, ఫామ్, క్రికెట్‌లో ఇంకా కొనసాగాలనే ఆసక్తి వంటి అనేక అంశాలపై ఆధారపడి ఉంటుంది. వీటి ఆధారంగానే అతడు నిర్ణయం తీసుకోవాల్సి ఉంటుంది. రిటైర్మెంట్ అనేది వ్యక్తిగత నిర్ణయం అని గమనించాలి. వ్యక్తిగత పరిస్థితులు, ప్రాధాన్యతల ఆధారంగా ఈ నిర్ణయం తీసుకోవాలి" అని చాట్‌జీపీటీ ఆసక్తికరంగా సమాధానమిచ్చింది.
"ధోనీ రిటైర్మెంట్ భారత క్రికెట్, చెన్నై సూపర్ కింగ్స్ జట్టుపై ఎలాంటి ప్రభావాన్ని చూపుతుందనేది కూడా పరిగణనలోకి తీసుకోవడం చాలా ముఖ్యం. ధోనీ భారతదేశంలోని చాలా మంది యువ క్రికెటర్లకు స్ఫూర్తి. అతడి రిటైర్మెంట్ జట్టు నాయకత్వంలో శూన్యతను కలిగిస్తుంది. ఈ అంశంలో నేను కచ్చితమైన సమాధానం ఇవ్వలేను. కానీ, ఈ సమాచారం మీరు ఓ అంచనాకు రావడానికి ఉపయోగపడుతుందని ఆశిస్తున్నా" అని చాట్‌జీపీటీ వెల్లడించింది.
మరోవైపు, ఈ సీజన్ కోసం కసరత్తులు ప్రారంభించాడు. నెట్స్తో తీవ్రంగా శ్రమిస్తున్నాడు. అయితే ధోనీ ప్రాక్టీస్ చూసిన అభిమానులు సర్ప్రైజ్ అవుతున్నారు. ఎందుకంటే అతడు ఈ సారి ప్రాక్టీస్ సెషన్లో బౌలింగ్ చేస్తూ కనిపించాడు. దీంతో అతడు ఈ సీజన్లో బౌలింగ్ కూడా చేయబోతున్నాడా అనే అనుమానం ఫ్యాన్స్లో కలుగుతోంది. దీనికి సంబంధించిన వీడియోను చెన్నై సూపర్ కింగ్స్ ఫ్రాంఛైజీ తన సోషల్మీడియా ఇన్‌స్టాగ్రామ్ అకౌంట్లో పోస్ట్‌ చేసింది. ఈ వీడియో ఫ్యాన్స్ను ఆశ్చర్యానికి గురి చేస్తోంది. ప్రస్తుతం ఈ వీడియో సోషల్మీడియాలో తెగ వైరల్ అవుతోంది. నెటిజన్లు లైక్స్, కామెంట్లతో హోరెత్తిస్తున్నారు.
-
Dhoni bowling in the nets 💛@MSDhoni #MSDhoni #WhistlePodupic.twitter.com/JDOvF9nx0I
— DHONI Era™ 🤩 (@TheDhoniEra) March 5, 2023 " class="align-text-top noRightClick twitterSection" data="
">Dhoni bowling in the nets 💛@MSDhoni #MSDhoni #WhistlePodupic.twitter.com/JDOvF9nx0I
— DHONI Era™ 🤩 (@TheDhoniEra) March 5, 2023Dhoni bowling in the nets 💛@MSDhoni #MSDhoni #WhistlePodupic.twitter.com/JDOvF9nx0I
— DHONI Era™ 🤩 (@TheDhoniEra) March 5, 2023
