IND vs WI T20: రోహిత్ శర్మ సారథ్యంలోని టీమ్ఇండియా వెస్టిండీస్పై ఆధిపత్యం చెలాయిస్తోంది. వన్డేల్లో విండీస్ జట్టును వైట్వాష్ చేసిన రోహిత్ సేన.. తొలి టీ20లో కూడా ఘన విజయం సాధించింది. రెండో టీ20 కూడా గెలిచి సిరీస్ సొంతం చేసుకోవాలని ఉత్సాహంగా ఉంది. ఈ నేపథ్యంలో శుక్రవారం జరగనున్న రెండో టీ20పై అభిమానుల్లో ఆసక్తి నెలకొంది.
తొలి టెస్టులో గాయపడిన వెంకటేశ్ అయ్యర్, దీపక్ చాహర్లు రెండో టీ20కి దూరమయ్యే అవకాశాలు కనిపిస్తున్నాయి. గాయం తీవ్రత ఎక్కవైతే యాజమాన్యం వారికి విశ్రాంతినిచ్చి ఆ స్థానంలో వేరే వారికి బరిలోకి దింపొచ్చు.
కోహ్లీ ఫామ్లోకి వస్తే..
తొలి టీ20లో టీమ్ఇండియా కెప్టెన్, ఓపెనర్ రోహిత్ శర్మ అదరగొట్టాడు. అయితే గత కొంతకాలంగా బ్యాటింగ్లో తడబడుతున్న విరాట్ కోహ్లీ.. మంగళవారం జరిగిన మ్యాచ్లో కూడా ఆకట్టుకోలేకపోయాడు. రెండో టీ20లో అయినా కోహ్లీ ఫామ్లోకి వస్తాడని అభిమానులు ఆశిస్తున్నారు.
స్పెషలిస్టులే కానీ.
వన్డేల్లో టీమ్ఇండియా చేతిలో ఘోర పరాజయం చవిచూసిన విండీస్ జట్టు.. టీ20 సిరీస్లో మాత్రం భారత్కు సవాల్ విసురుతుందని అభిమానులు ఆశించారు. కానీ టీ20 స్పెషలిస్ట్గా పేర్కొనే ఈ జట్టు తొలి టీ20లో స్థాయికి తగ్గ ప్రదర్శన చేయలేకపోయింది. టీమ్ఇండియాను ఇబ్బంది పెడుతుంది అని అనుకుంటే.. భారత్ ఆధిపత్యానికి లొంగిపోయింది.
ఈ నేపథ్యంలో రెండో టీ20లోనైనా విండీస్ పుంజుకుని తనదైన శైలిలో టీమ్ఇండియాను కట్టడి చేస్తుందా.. లేక రోహిత్సేన తన జోరును కొనసాగిస్తుందా అని అభిమానులు ఆసక్తిగా ఎదురుచూస్తున్నారు.
తుది జట్లు (అంచనా)
భారత జట్టు: ఇషాన్ కిషన్, రోహిత్ శర్మ (కెప్టెన్), విరాట్ కోహ్లీ, సూర్యకుమార్ యాదవ్, రిషబ్ పంత్ (కీపర్), వెంకటేష్ అయ్యర్/ శ్రేయస్ అయ్యర్, దీపక్ చాహర్/ ఆవేశ్ ఖాన్ , భువనేశ్వర్ కుమార్, హర్షల్ పటేల్, రవి బిష్ణోయ్, చాహల్
వెస్టిండీస్ జట్టు: బ్రాండన్ కింగ్, కైల్ మేయర్స్, నికోలస్ పూరన్ (కీపర్), రోవ్‌మన్ పావెల్, కీరన్ పొలార్డ్ (కెప్టెన్), రోస్టన్ చేజ్, రొమారియో షెపర్డ్, అకేల్ హోసేన్, ఓడియన్ స్మిత్, ఫాబియన్ అలెన్, షెల్డన్ కాట్రెల్
ఇదీ చూడండి : IND VS WI: మూడో టీ20కు అభిమానులకు అనుమతి
