భారత మాజీ కెప్టెన్ ధోనీపై తనకున్న అభిమానాన్ని మాజీ క్రికెటర్ సురేశ్ రైనా మరోసారి చాటాడు. వచ్చే ఐపీఎల్లో ధోనీ ఆడకపోతే.. తాను కూడా ఆడనని స్పష్టం చేశాడు. ఒకవేళ ఈ ఏడాది ఐపీఎల్లో సీఎస్కే విజయం సాధిస్తే.. 2022లోనూ ధోనీ ఆడాలని కోరతానన్నాడు.
"నాకు ఇంకా 4-5 ఏళ్లు మిగిలున్నాయి. ఈ ఏడాది ఐపీఎల్ ఉంది. నేను ఆడినంత వరకు చెన్నై జట్టులోనే ఆడతాను. వచ్చే సీజన్లో ధోనీ భాయ్ ఆడకపోతే.. నేను కూడా ఆడను. మేం 2008 నుంచి సీఎస్కేలోనే ఉన్నాం" అని రైనా చెప్పాడు.
రైనా, ధోనీ 2008 నుంచి సీఎస్కే తరఫున ఆడుతున్నారు. ఇటీవల ధోనీ జన్మదినం సందర్భంగా శుభాకాంక్షలు తెలుపుతూ.. ఓ వీడియోను తన ఇన్స్టాగ్రామ్ ఖాతాలో పోస్ట్ చేశాడు. మరోవైపు, టీమ్ ఇండియా మాజీ కెప్టెన్ ధోనీ జెర్సీకి వీడ్కోలు పలకాలని మాజీ క్రికెటర్ సాబా కరీమ్ అభిప్రాయం వ్యక్తం చేశారు. కేవలం ధోనీ మాత్రమే కాదు.. మిగతా దిగ్గజ క్రికెటర్ల జెర్సీలనూ భద్రపరచాలని సూచించారు.
ఇదీ చదవండి : 'జులై 9న పుట్టిన ఆ లెజెండ్ ఎక్కడున్నాడో?'
