వన్డేలకు 'వార్నర్' గుడ్​బై- అవసరమైతే ఆ టోర్నీలో ఆడతాడట!

David Warner ODI Retirement: ఆస్ట్రేలియా స్టార్ బ్యాటర్ డేవిడ్ వార్నర్ సంచలన నిర్ణయం తీసుకున్నాడు. ఇటీవల టెస్టులకు గుడ్​బై చెప్పిన వార్నర్, తాజాగా వన్డే ఫార్మాట్​కు కూడా రిటైర్మెంట్ ప్రకటించాడు. ఇకపై కేవలం టీ20ల్లోనే ఆడనున్నట్లు తెలిపాడు. అయితే 2025 ఛాంపియన్స్ ట్రోఫీలో జట్టుకు తన అవసరం ఉంటే కచ్చితంగా మళ్లీ ఆడతానని స్పష్టం చేశాడు. 'నేను వన్డే క్రికెట్​కు వీడ్కోలు పలుకుతున్నా. తాజాగా భారత్​లో వరల్డ్​కప్ గెలిచాం. అది అతి పెద్ద ఘనతగా భావిస్తాను. ఇక టెస్టు, వన్డేల్లో నుంచి తప్పుకోవాలనుకుంటున్నాను. టెస్టు, వన్డే క్రికెట్​కు రిటైర్మెంట్ ప్రకటించడం వల్ల, వరల్డ్​వైడ్​గా ఆయా డొమెస్టిక్ లీగ్​ల్లో ఆడగలను. వచ్చే ఏడాది ఛాంపియన్స్ ట్రోఫీ ఉందని నాకు తెలుసు. అయితే ఈ రెండేళ్లు నేను నాణ్యమైన క్రికెట్ ఆడితే, జట్టు కావాలనుకున్నప్పుడు అందుబాటులోనే ఉంటా' అని అన్నాడు.

• David Warner has announced his retirement from ODI cricket.
  
  One of the finest ever of the format, Thank you Davey...!!! 🫡 pic.twitter.com/6v6nRjwniN

  — Mufaddal Vohra (@mufaddal_vohra) January 1, 2024 " class="align-text-top noRightClick twitterSection" data="

  David Warner has announced his retirement from ODI cricket.
  
  One of the finest ever of the format, Thank you Davey...!!! 🫡 pic.twitter.com/6v6nRjwniN

  — Mufaddal Vohra (@mufaddal_vohra) January 1, 2024

  ">

  David Warner has announced his retirement from ODI cricket.
  
  One of the finest ever of the format, Thank you Davey...!!! 🫡 pic.twitter.com/6v6nRjwniN

  — Mufaddal Vohra (@mufaddal_vohra) January 1, 2024

Warner ODI World Cup 2023: ఆస్ట్రేలియా 2023 వన్డే వరల్డ్​కప్ గెలవడంలో వార్నర్ కీలకపాత్ర పోషించాడు. 11 మ్యాచ్​ల్లో వార్నర్ 48 సగటుతో 535 పరుగులు చేశాడు. అందులో రెండు సెంచరీలు, రెండు హాఫ్ సెంచరీలు ఉన్నాయి. ఈ టోర్నీలో అత్యధిక పరుగులు సాధించిన బ్యాటర్ల లిస్ట్​లో 6 స్థానంలో నిలిచాడు.

Warner ODI Stats: వార్నర్ 2009లో సౌతాఫ్రికాతో జరిగిన సిరీస్​తో వన్డేల్లో అరంగేట్రం చేశాడు. సుదీర్ఘంగా 14 ఏళ్లపాటు ఆసీస్​ తరపున ప్రాతినిధ్యం వహిస్తూ జట్టుకు అనేక విజయాలు కట్టబెట్టాడు. తన కెరీర్​లో ఇప్పటివరకు 161 వన్డే మ్యాచ్​లు ఆడాడు. 45.01 సగటుతో 6932 పరుగులు నమోదు చాశాడు. అందులో 22 సెంచరీలు, 33 హాఫ్ సెంచరీలు ఉన్నాయి.

Warner Test Retirement:మరోవైపు టెస్టు ఫార్మాట్​కు ఇప్పటికే రిటైర్మెంట్ ప్రకటించిన వార్నర్, పాకిస్థాన్​తో జరుగుతున్న సిరీస్​లో ఆఖరి మ్యాచ్ ఆడనున్నాడు. సిడ్నీ వేదికగా పాకిస్థాన్- ఆస్ట్రేలియా మధ్య చివరి మ్యాచ్​ జనవరి 3న ప్రారంభం కానుంది. ఇక మూడు మ్యాచ్​ల టెస్టు సిరీస్​ను ఆతిథ్య జట్టు ఆస్ట్రేలియా ఇప్పటికే 2-0 తేడాతో గెలుచుకుంది.

మనసులు గెలుచుకున్న వార్నర్​ - ఆ సమయంలోనూ ఫ్యాన్స్ కోసమే!