వచ్చే ఏడాది జరగబోయే టీ20 ప్రపంచకప్నకు ఆతిథ్యం ఇవ్వనుండటం ఎంతో గౌరవాన్ని తెచ్చిపెడుతుందని భారత క్రికెట్ నియంత్రణ మండలి (బీసీసీఐ) అధ్యక్షుడు సౌరభ్ గంగూలీ చెప్పాడు. ఐసీసీ టోర్నీని నిర్వహించడానికి బోర్డు అధ్యక్షుడిగా ఎంతో ఆసక్తిగా ఎదురుచూస్తున్నట్లు తెలిపాడు.
"పురుషుల టీ20 ప్రపంచకప్నకు ఆతిథ్యం ఇవ్వడం మాకెంతో గౌరవం. 1987లో వన్డే ప్రపంచకప్ నుంచి అనేక అంతర్జాతీయ ఈవెంట్లను భారత్ విజయవంతంగా నిర్వహించింది. ఇక్కడ ఆడేందుకు క్రికెటర్లంతా ఉత్సాహంగా ఉంటారని నేను కచ్చితంగా భావిస్తున్నాను. ఐసీసీ ఈవెంట్లలో పాల్గొనడాన్ని ఆటగాడిగా ఆస్వాదించాను. ప్రపంచవ్యాప్తంగా మిలియన్ల మంది చూసే క్రికెట్ మ్యాచ్లను మరేదీ అధిగమించలేదని నా అనుభవం నుంచి తెలుసుకున్నాను. ప్రపంచకప్ నిర్వహించేందుకు ఆసక్తిగా ఎదురుచూస్తున్నాను"
- సౌరభ్ గంగూలీ, బీసీసీఐ అధ్యక్షుడు
టీ20 ప్రపంచకప్లో మొత్తంగా 16 జట్లు పాల్గొనున్నాయి. వచ్చే ఏడాది అక్టోబరు-నవంబరు మధ్య జరిగే ఈ టోర్నీలో భారత్, ఆస్ట్రేలియా, అఫ్గానిస్థాన్, బంగ్లాదేశ్, ఇంగ్లాండ్, ఐర్లాండ్, నమీబియా, నెదర్లాండ్స్, న్యూజిలాండ్, ఒమన్, పాకిస్థాన్, పాపువా న్యూగినియా, స్కాట్లాండ్, దక్షిణాఫ్రికా, శ్రీలంక, వెస్టిండీస్ జట్లు ఇందులో ఉన్నాయి.
