ఆస్ట్రేలియా వైస్ కెప్టెన్ ప్యాట్ కమిన్స్ ప్రస్తుతం ఇంగ్లాండ్తో జరిగే టీ20, వన్డే సిరీస్లో ఆడుతున్నాడు. కరోనా వ్యాప్తి నేపథ్యంలో బయోసెక్యూర్ విధానంలో మ్యాచ్ను నిర్వహిస్తున్నారు. సెప్టెంబరు 16న ఇంగ్లాండ్ పర్యటన ముగియనుంది. అనంతరం.. కమిన్స్ నేరుగా ఐపీఎల్ కోసం యూఏఈ చేరుకోనున్నాడు. కోల్కతా నైట్ రైడర్స్ తరఫున ఈ లీగ్లో అలరించనున్నాడు ఈ సందర్భంగా తన లాంగ్ షెడ్యూల్పై స్పందిస్తూ.. ఇది మానసికంగా పెద్ద సవాలని పేర్కొన్నాడు.
"కచ్చితంగా ఈ విషయంలో మానసిక సవాలు ఎదుర్కోవాల్సి ఉంటుంది. ప్రస్తుత పర్యటనతో పాటు ఐపీఎల్ వంటి టోర్నీల మధ్య కుటుంబాలకు దూరంగా ఉండాల్సి ఉంటుంది. అయితే, అన్నింటికీ మీరు సిద్ధంగా ఉండాలి. ఆటపై దృష్టి కేంద్రీకరించేందుకు ప్రణాళికలు రచించుకోవాలి."
-ప్యాట్ కమిన్స్, ఆసీస్ వైస్ కెప్టెన్
కమిన్స్ను కేకేఆర్ రూ.15.5 కోట్లకు కొనుగోలు చేసింది. దీంతో ఐపీఎల్ చరిత్రలో అత్యంత ఖరీదైన వీదేశీ ఆటగాడిగా నిలిచాడు. ఈ క్రమంలోనే యూఏఈలో జరిగే ఐపీఎల్లో భద్రత ప్రమాణాల విషయంపై స్పందిస్తూ.. అందులో ఎటువంటి భయాలు లేవని కమిన్స్ స్పష్టం చేశాడు.
