IND vs AUS : బోర్డర్-గావస్కర్ ట్రోఫీలో భాగంగా ఇండియా ఆస్ట్రేలియా మధ్య జరుగుతున్న నాలుగో టెస్టు మొదటి రోజు ఆట ముగిసింది. ఆట పూర్తైయ్యే సమయానికి ఆసీస్ తొలి ఇన్నింగ్స్లో నాలుగు వికెట్ల నష్టానికి 255 పరుగులు చేసింది. ఉస్మాన్ ఖవాజా(104*) సెంచరీతో చెలరేగి పోయాడు. కామెరూన్ గ్రీన్(49*) పరుగులతో అద్భుత ప్రదర్శన చేశాడు. ఓపెనర్ ట్రావిస్ హెడ్ (32), స్టీవెన్ స్మిత్(38) ఫర్వాలేదనిపించారు. కాగా, లబుషేన్ అనూహ్యంగా కేవలం(3) పరుగులకే పెవీలియన్ చేరాడు. పీటర్ హ్యాండ్కాంబ్(17) కూడా అనుకున్నంతగా రాణించలేకపోయాడు. ఇక భారత బౌలర్లు మహ్మద్ షమీ(2) పడగొట్టాడు. ఉమేశ్ యాదవ్, జజేజా చెరో వికెట్ తీశారు. ప్రస్తుతం ఖవాజా, కామెరూన్ గ్రీన్ క్రీజులో కొనసాగుతున్నారు.
మ్యాచ్ను స్లో గా స్టార్ట్ చేసిన ఓపెనర్ ట్రావిస్ హెడ్.. 44 బంతుల్లో 32 పరుగులు చేశాడు. అనంతరం టీమ్ఇండియా స్టార్ స్పిన్నర్ అశ్విన్ చేతిలో ఔట్ అయ్యాడు. ఇక, ఖవాజాతో స్కోరు బోర్డును పరుగులు పెట్టిస్తాడనుకున్న లబుషేన్ అనూహ్యంగా 3 పరుగులకే పెవీలియన్ చేరాడు. మహ్వద్ షమీ బౌలింగ్లో క్లీన్ బౌల్డ్ అయ్యాడు. దీంతో లంచ్‌ బ్రేక్ సమయానికి కంగారూలు రెండు వికెట్ల నష్టానికి 29 ఓవర్లలో 75 పరుగులు చేశారు. సెకండ్ సెషన్‌లో ఆసీస్ బ్యాటర్లు నెమ్మదిగా ఆడి టీమ్ఇండియా బౌలర్లను పరీక్షించారు. దీంతో ఆసీస్ వికెట్ కోల్పోకుండానే ఆ సెషన్‌ ముగిసింది. ఈ సెషన్‌లో ఆస్ట్రేలియా 74 పరుగులు చేసింది.
ఆ తర్వాత వచ్చిన స్టీవెన్ స్మిత్ కొంత నిలకడగా ఆడి.. ఖవాజాతో స్కోరును ముందుకు కదిలించాడు. టీ బ్రేక్ తర్వాత 135 బంతుల్లో 38 పరుగులు చేసిన స్టీవ్‌ స్మిత్ను రవీంద్ర జడేజా ఔట్ చేశాడు. దీంతో ఉస్మాన్ ఖవాజాతో కలిసి మూడో వికెట్‌కు నెలకొల్పిన 79 పరుగుల భాగస్వామ్యానికి తెరపడింది. స్టీవ్‌ స్మిత్ పవీలియన్ చేరిన తర్వాత క్రీజ్‌లోకి వచ్చిన పీటర్ హ్యాండ్స్‌కాంబ్ (17*).. దూకుడుగా ఆడేందుకు ప్రయత్నించి.. షమీ వేసిన 71వ ఓవర్‌లో క్లీన్‌బౌల్డ్‌ అయ్యాడు. ఆ తర్వాత క్రీజులోకి వచ్చిన కామెరూన్ గ్రీన్ దూకుడుగా ఆడాడు. ఖవాజా మాత్రం వికెట్ కోల్పోకుండా నెమ్మదిగా ఆడాడు. ఇక, ఉమేశ్ యాదవ్ వేసిన 82వ ఓవర్‌, షమీ వేసిన 85 ఓవర్‌లో గ్రీన్ రెండేసి ఫోర్లు బాదాడు. మహ్మద్ షమీ వేసిన మొదటి రోజు ఆఖరి ఓవర్‌లో తొలి బంతికి బౌండరీ బాది.. ఖవాజా సెంచరీ పూర్తి చేసుకున్నాడు.
అహ్మదాబాద్లోని నరేంద్ర మోదీ స్టేడియంలో జరుగుతున్న ఈ మ్యాచ్కు భారత ప్రధాన మంత్రి నరేంద్ర మోదీ.. ఆస్ట్రేలియా ప్రధాని ఆంటోనీ అల్బనీస్ హజరయ్యారు. మ్యాచ్ ప్రారంభమయ్యే ముందు ఓ ప్రత్యేక వాహనం ఎక్కి స్టేడియంలో తిరిగారు. ఆ తర్వాత ఇరు జట్ల కెప్టెన్లకు క్యాప్లు అందచేశారు. భారత్కు, ఆస్ట్రేలియా మధ్య ఉన్న 75 సంవత్సరాల స్నేహానికి గుర్తుగా.. ఇరు ప్రధానులను బీసీసీఐ అధ్యక్షుడు రోజర్ బిన్నీ సన్మానించారు.
