Ambati Rayudu News: టీమ్ఇండియా మాజీ బ్యాటర్ అంబటి రాయుడు వచ్చే ఏడాది ఐపీఎల్ సీజన్లో ఆడేందుకు సన్నద్ధమవుతున్నాడు. ఈ నేపథ్యంలో మరో మూడేళ్ల పాటు క్రికెట్ ఆడేందుకు సిద్ధంగా ఉన్నట్లు చెప్పుకొచ్చాడు. ఇటీవలే విజయ్ హజారే ట్రోఫీలో అంధ్ర జట్టు తరఫున ఆడిన రాయుడు.. ఈ వ్యాఖ్యలు చేశాడు.
"ఫామ్, ఫిట్నెస్ ఉన్నంతవరకూ క్రికెట్ ఆడటం కొనసాగించాలనేది నా ఆశ. మరో మూడేళ్లు పాటు క్రికెట్ ఆడతా. ఫిట్నెస్పై ఫోకస్ చేస్తున్నా. ఇటీవలే జరిగిన విజయ్ హజారే ట్రోఫీలోను బాగానే రాణించాను."
-అంబటి రాయుడు, బ్యాటర్.
Ambati Rayudu Retirement: 2019 వన్డే ప్రపంచకప్ నేపథ్యంలో టీమ్ఇండియా జట్టులో అంబటి రాయుడుకు చోటు లభించలేదు. ఈ కారణంగా అసంతృప్తి చెందిన రాయుడు.. జులైలో అన్ని ఫార్మాట్లకు వీడ్కోలు పలికాడు. కానీ, రెండు నెలల తర్వాత తన రిటైర్మెంట్ను వెనక్కి తీసుకున్నాడు.
ఈ విషయంపై స్పందించిన రాయుడు.. ప్రపంచకప్ జట్టులో స్థానం లేకపోవడం బాధేసిందని చెప్పుకొచ్చాడు. అనంతరం ఐపీఎల్లో సీఎస్కే తరఫున ఆడటం వల్ల బాధపోయిందని అన్నాడు. తనలో ఉత్తమ ఆటగాడిని బయటకుతీసుకొచ్చింది మాజీ సారథి ధోనీ అని ప్రశంసించాడు. వచ్చే ఏడాది ఐపీఎల్ సీజన్లోనూ సీఎస్కే తరఫున ఆడేందుకు ఆసక్తితో ఉన్నట్లు చెప్పాడు.
ఇదీ చదవండి:
2021 Cricket Highlights: భారీ సిక్సర్లు.. స్టన్నింగ్ క్యాచ్లు!
