ఓబులమ్మగా రకుల్.. థియేటర్లలోకి 'మద్రాస్​'

మెగా హీరో వైష్ణవ్​తేజ్ కథానాయకుడిగా నటించిన చిత్రం 'కొండపొలం'. క్రిష్​ దర్శకత్వం వహించారు. కీరవాణి సంగీత దర్శకుడు. ఇందులో రకుల్ హీరోయిన్​గా నటించగా, ఆమె ఫస్ట్​లుక్​ టీజర్​ను సోమవారం విడుదల చేశారు. ఇందులో రకుల్ ఓబులమ్మ పాత్రలో కనిపించనుంది. అక్టోబరు 8న ఈ సినిమా థియేటర్లలోకి రానుంది.

'కొండపొలం'లో రకుల్​

• " class="align-text-top noRightClick twitterSection" data="">

సుశాంత్ సినిమా ట్రైలర్

సుశాంత్ 'ఇచ్చట వాహనములు నిలుపరాదు' ట్రైలర్​ విడుదలైంది. ఎస్​ దర్శన్​ దర్శకత్వంలో రూపొందిన ఈ చిత్రానికి ప్రవీణ్​ లక్కరాజు సంగీతమందించారు. మీనాక్షి చౌదరి హీరోయిన్. ఉత్కంఠ అయిన సన్నివేశాలు, కొంచెం కామెడీ ఉన్న ఈ ట్రైలర్​ ప్రేక్షకులను ఆకట్టుకుంటోంది. ఆగస్టు 27న సినిమా థియేటర్లలోకి తీసుకురానున్నట్లు ఇప్పటికే ప్రకటించారు.

• " class="align-text-top noRightClick twitterSection" data="">

'ఎస్.ఆర్ కళ్యాణమండపం' ఓటీటీలోకి..

ఆగస్టు 6న థియేటర్లలో విడుదలైన 'ఎస్​ఆర్.కళ్యాణమండపం' ఓటీటీ రిలీజ్​ డేట్ ఖరారైంది. ఆగస్టు 28న ఆహాలో రిలీజ్​ అవుతున్నట్లు సోమవారం ప్రకటించారు. కిర‌ణ్ అబ్బవ‌రం, సాయికుమార్‌, ప్రియాంక జ‌వాల్కర్ కీలక పాత్రలు పోషించారు. శ్రీధర్​ గాదే దర్శకత్వం వహించారు.

ఎస్​ఆర్​ కల్యాణమండపం పోస్టర్

సంపత్​నంది 'సింబా'

దర్శకుడు సంపత్​ నంది నిర్మాతగా 'సింబా' అనే కొత్త చిత్రాన్ని మొదలుపెట్టారు. మురళి మనోహర్​ దర్శకత్వం వహిస్తారు. ఈ చిత్ర కాన్సెప్ట్​ టీజర్​ను సోమవారం రిలీజ్ చేశారు. ఇందులో ఉండే నటీనటులు ఎవరన్నది ఇంకా తెలియాల్సి ఉంది.

• " class="align-text-top noRightClick twitterSection" data="">

టాలీవుడ్​కు 'మద్రాస్​'

కార్తి నటించిన తమిళ చిత్రం 'మద్రాస్'​.. దాదాపు ఏడేళ్ల తర్వాత తెలుగులో విడుదల కానుంది. సెప్టెంబరులో థియేటర్లలోకి రానున్నట్లు ప్రకటించారు. 'కబాలీ', 'సార్పట్ట' వంటి చిత్రాలతో మెప్పించిన పా.రంజిత్​ ఈ చిత్రానికి దర్శకుడు. డైరెక్టర్​గా ఇది తనకు రెండో సినిమా.

కార్తీ నటించిన 'మద్రాస్'​ పోస్టర్​

ఇదీ చదవండి : Movie Release Telugu: ఈ వారం విడుదలయ్యే సినిమాలివే!