సూపర్స్టార్ మహేశ్బాబు(Mahesh babu).. ఆరు నెలల్లో తన రెండు సినిమాలను థియేటర్లలోకి తీసుకొచ్చేలా కనిపిస్తున్నారు. ప్రస్తుతం 'సర్కారు వారి పాట'తో(sarkaru vaari paata) బిజీగా ఉన్న ప్రిన్స్.. చిత్రబృందానికి త్వరలో వ్యాక్సిన్ వేయించనున్నారు. ఇది పూర్తయిన తర్వాత జులై నుంచి షూటింగ్లో తిరిగి పాల్గొంటారు. అక్టోబరులో కల్లా దానిని ముగించి, త్రివిక్రమ్తో కలిసి పనిచేస్తారు.
త్రివిక్రమ్-మహేశ్ కాంబినేషన్ అంటే సినీ అభిమానుల్లో ఎనలేని ఆసక్తి. వారిద్దరూ ఇంతకు ముందు చేసిన అతడు(Athadu), ఖలేజా(Khaleja) చిత్రాలు థియేటర్లలో సరిగా ఆడకపోయినప్పటికీ.. ఆ తర్వాత అభిమానుల దృష్టిలో కల్ట్ క్లాసిక్స్గా నిలిచిపోయాయి. మరి ఇప్పుడు రాబోతున్న చిత్రంపై భారీ అంచనాలే నెలకొన్నాయి.
అక్టోబరు కల్లా 'సర్కారు వారి పాట' షూటింగ్ పూర్తయితే, ముందే ప్రకటించినట్లు వచ్చే సంక్రాంతికి సినిమాను థియేటర్లలోకి తీసుకొస్తారు. అలానే త్రివిక్రమ్(Trivikram) చిత్రాన్ని కూడా వీలైనంత త్వరగా పూర్తిచేసి, వచ్చే సంవత్సరం వేసవిలో ప్రేక్షకులకు అందిచాలని మహేశ్ భావిస్తున్నారు. ఇదే గనుక అనుకున్నది అనుకున్నట్లు జరిగితే.. ఆరు నెలలో మహేశ్ సినిమాలు రెండింటిని అభిమానులు చూడనున్నారు.
ఇవీ చదవండి:
