ప్రియాంక చోప్రా వల్ల తనకు అవకాశాలు రావట్లేదని ఆమె కజిన్ మీరా చోప్రా ఆవేదన వ్యక్తం చేసింది. ఇటీవల ఓ జూమ్ కాల్లో మాట్లాడుతూ ఈ విషయాన్ని పంచుకుంది. ఆమె సోదరిని కావడం వల్ల నిర్మాతలు తనను తీసుకోవట్లేదని తెలిపింది.
"ప్రియాంక వల్ల నాకు ఏ పని రావట్లేదు. ఆమె సోదరిని కావడం వల్ల నిర్మాతలు నన్ను తీసుకోవడం లేదు. ప్రియాంక వల్ల నా కెరీర్లో ఎలాంటి ఎదుగుదల కూడా లేదు" అని మీరా చోప్రా చెప్పింది.
2005లో తమిళ సినిమా 'అన్బు అరియరే'తో హీరోయిన్గా పరిచయమైన మీరా చోప్రా.. ఆ తర్వాత తెలుగు, కన్నడలోనూ కథానాయికగా పలు చిత్రాల్లో నటించింది. ఆమె చివరగా 2019లో వచ్చిన 'సెక్షన్ 375' కీలక పాత్ర పోషించింది.
మరోవైపు ప్రియాంక చోప్రా.. హాలీవుడ్, బాలీవుడ్లో నటిస్తూ గ్లోబల్ స్టార్గా గుర్తింపు తెచ్చుకుంది.
