ఈ ఏడాది దసరాకు సినీ అభిమానులు పండగ చేసుకోబోతున్నారు. ఎందుకంటే అగ్రహీరోలైన మెగాస్టార్ చిరంజీవి, నందమూరి బాలకృష్ణ.. తమ కొత్త సినిమాలను అప్పుడే ప్రేక్షకుల ముందుకు తీసుకురానున్నారట. ఈ వార్త ప్రస్తుతం అంతటా చక్కర్లు కొడుతోంది. ఇది నిజమో కాదో? తెలియాలంటే మరికొద్ది రోజులు ఆగాల్సిందే.
ఇప్పటికే చిరు-కొరటాల సినిమా షూటింగ్ జరుపుకుంటుండగా, బాలయ్య-బోయపాటి చిత్రం వచ్చే నెల నుంచి చిత్రీకరణ జరుపుకోనుంది. ఈ రెండు సినిమాల దర్శక నిర్మాతలు.. తమ ప్రాజెక్టులను దసరా బరిలోనే దించాలని భావిస్తున్నారు.
ఇంతకు ముందు 2017లో సంక్రాంతి పండక్కి ఈ కథానాయకులిద్దరూ పోటీపడ్డారు. చిరు కమ్ బ్యాక్ చిత్రం 'ఖైదీ 150' జనవరి 11న రాగా, బాలకృష్ణ 'గౌతమీపుత్ర శాతకర్ణి' తర్వాతి రోజు వచ్చింది. హిట్ టాక్ తెచ్చుకున్న ఈ రెండు సినిమాలు.. ప్రేక్షకుల ఆదరణ దక్కించుకుని, మంచి వసూళ్లను సాధించాయి.
ఇదీ చదవండి: భారతీయుడిని అని గర్వంగా చెప్పుకుంటా: షారూక్
