WhatsApp Secret Code Feature : వాట్సాప్ తమ యూజర్ల సౌకర్యం కోసం మరో కొత్త ఫీచర్ను తీసుకువచ్చేందుకు సన్నాహాలు చేస్తోంది. ముఖ్యంగా యూజర్లు తమ ఛాట్లను ఇతరులు ఎవరూ చూడకుండా 'సీక్రెట్ కోడ్' పెట్టుకునే విధంగా ఈ ఫీచర్ను రూపొందిస్తుంది. ఈ కొత్త ఫీచర్తో యూజర్ తమ ఛాట్లను ఇతరులు చూడకుండా జాగ్రత్త పడొచ్చు. ఈ సీక్రెట్ కోడ్.. మీ ఛాట్లకు ఒక పాస్వర్డ్ వలే పనిచేస్తుంది.
ఆ నయా ఫీచర్ కనుక అందుబాటులోకి వస్తే.. పదాలను లేదా ఎమోజీలను సీక్రెట్ కోడ్స్గా పెట్టుకోవడానికి వీలవుతుంది. ఒక వేళ మీరు హైడ్ చేసిన చాట్లను మరలా చూడాలని అనుకుంటే.. సెర్చ్బార్లో ఈ సీక్రెట్ కోడ్ను టైప్ చేయాలి. అప్పుడు మీరు హైడ్ చేసిన ఛాట్ ఓపెన్ అవుతుంది. ప్రస్తుతానికి ఈ ఫీచర్ టెస్టింగ్ దశలోనే ఉంది. త్వరలోనే ఆండ్రాయిడ్ యూజర్లు అందరికీ ఇది అందుబాటులోకి వచ్చే అవకాశం ఉంది.
వాట్సాప్ ఛాట్ను ఆర్కైవ్ చేయడం ఎలా?
How to Archive WhatsApp chats : మన వాట్సాప్ ఛాటింగ్ ఇతరులెవ్వరికీ కనిపించకుండా చేయాలంటే.. దానిని ఆర్కైవ్ చేయాల్సి ఉంటుంది. అందుకే వాట్సాప్ ఛాట్ని ఎలా ఆర్కైవ్ చేయాలో ఇప్పుడు తెలుసుకుందాం.
1. మొదట మొబైల్లో వాట్సాప్ యాప్ను ఓపెన్ చేయాలి.
2. హైడ్ చేయాలనుకుంటున్న ఛాట్పై లాంగ్ప్రెస్ చేయాలి.
3. అనంతరం హోంపేజీ పైన డౌన్ యారో ఆప్షన్పై క్లిక్ చేయాలి. అప్పుడు వెంటనే చాట్ మొత్తం ఆర్కైవ్ అవుతుంది.
4. మీరు కనుక ఆర్కైవ్ చేసిన ఛాట్ను మరలా చూడాలని అనుకుంటే.. సెర్చ్బార్లో సెర్చ్ చేస్తే సరిపోతుంది. లేదంటే కిందకి స్క్రోల్ చేసినా అది మీకు కనిపిస్తుంది.
వాట్సాప్కు ఫింగర్ప్రింట్ లాక్ ఆఫ్షన్ పెట్టుకోవడం ఎలా?
How To Put Fingerprint Lock On WhatsApp : వాట్సాప్కు ఫింగర్ప్రింట్ లాక్ ఆఫ్షన్ పెట్టుకోవాలంటే ఈ స్టెప్స్ ఫాలో అవ్వండి.
1. మొదట వాట్సాప్ను ఓపెన్ చేయండి.
2. హోం పేజీపైన రైట్ కార్నర్లో ఉండే మూడు డాట్స్పై క్లిక్ చేయండి.
3. అనంతరం సెట్టింగ్స్లోకి వెళ్లండి.
4. క్రిందికి స్క్రోల్ చేస్తే.. ఫింగర్ప్రింట్ లాక్ ఆఫ్షన్ కనిపిస్తుంది.
5. మీరు సింపుల్గా ఫింగర్ప్రింట్ లాక్ ఆఫ్షన్ ఆన్ చేసుకుంటే సరి.
How to Use Umang App and its Features : ఒక్క ఉమాంగ్ యాప్తో ఎన్నో ప్రభుత్వ సేవలు.. ఇలా వాడేయండి!
