అమెరికా వదిలేసిన హెలికాప్టర్లతో తాలిబన్ల 'టెస్ట్ ​రైడ్'​!

అఫ్గానిస్థానంలో అమెరికా దళాలు విడిచిపెట్టి వెళ్లిన ఆయుధాలు, హెలికాప్టర్లు తాలిబన్ల(taliban news latest) చేతికి చిక్కడం సర్వత్రా ఆందోళన కలిగిస్తోంది. అయితే కొన్నింటిని ఎలా ఉపయోగించాలో తెలియక తాలిబన్లు తలలు పట్టుకుంటున్నారు. ముఖ్యంగా హెలికాప్టర్లను నడపడంలో శిక్షణ లేని తాలిబన్​ ఫైటర్లు.. వాటిల్లో కూర్చుని, గాల్లోకి ఎగిరేందుకు విశ్వప్రయత్నాలు చేస్తున్నారు. వీటికి సంబంధించిన వీడియోలు సామాజిక మాధ్యమాల్లో చక్కర్లు కొడుతున్నాయి.

తాజాగా.. కాందహార్​ విమానాశ్రయంలో యూహెచ్​-60 బ్లాక్​ హాక్​ హెలికాప్టర్(taliban helicopter video)​ చక్కర్లు కొడుతూ కనిపించింది. నేల మీదే పదే పదే తిరిగింది కానీ పైకి మాత్రం ఎగరలేదు. అందులో తాలిబన్​ ఫైటర్లు ఉన్నట్టు తెలుస్తోంది. ఎలాంటి శిక్షణ లేకపోవడం కారణంగా.. ఆ ఛాపర్​ను ఎలా నడిపించాలో తెలియకు తాలిబన్లు ముప్పుతిప్పలు పడుతున్నారు.

• ويډيو|کندهار ولايت
  د کندهار هوايي ډګر الوتنو ته چمتو کيږي، دا بلېک هاک امريکايي چورلکه چې خرابه شوې وه جوړه او فعاليت ته چمتو شوې.@A_Jahid_Jalal pic.twitter.com/XJB1sqn4E6

  — Jahid Jalal -جاهد جلال (@A_Jahid_Jalal) August 25, 2021 " class="align-text-top noRightClick twitterSection" data="

  ويډيو|کندهار ولايت
  د کندهار هوايي ډګر الوتنو ته چمتو کيږي، دا بلېک هاک امريکايي چورلکه چې خرابه شوې وه جوړه او فعاليت ته چمتو شوې.@A_Jahid_Jalal pic.twitter.com/XJB1sqn4E6

  — Jahid Jalal -جاهد جلال (@A_Jahid_Jalal) August 25, 2021

  ">

  ويډيو|کندهار ولايت
  د کندهار هوايي ډګر الوتنو ته چمتو کيږي، دا بلېک هاک امريکايي چورلکه چې خرابه شوې وه جوړه او فعاليت ته چمتو شوې.@A_Jahid_Jalal pic.twitter.com/XJB1sqn4E6

  — Jahid Jalal -جاهد جلال (@A_Jahid_Jalal) August 25, 2021

ఎన్ని హెలికాప్టర్లు తాలిబన్లకు చిక్కాయనే విషయంపై ఇంకా స్పష్టత లేదని అఫ్గాన్​ అగ్రరాజ్య అధికారులు వెల్లడించారు. అయితే దాదాపు 40కిపైగా ఛాపర్లు తాలిబన్ల వశమైనట్టు అంతర్జాతీయ మీడియాలో వార్తలొచ్చాయి. ఈ సంఖ్య మరింత ఎక్కువగా ఉంటుందని అధికారులు అంచనా వేస్తున్నారు.

ఇదీ చూడండి:- కాబుల్​లో గుబుల్​​.. ఎప్పుడు ఏమవుతుందోనని ఆందోళన

అఫ్గాన్​ సంక్షోభం..

అమెరికా దళాలు అన్ని వదిలేసి(us afghanistan withdrawal) హడావుడిగా దేశాన్ని వీడిన సమయం నుంచి దేశం సంక్షోభంలోకి జారుకుంది. ఆ తర్వాత మెరుపువేగంతో తాలిబన్లు దేశాన్ని ఆక్రమించుకున్న నేపథ్యంలో అఫ్గాన్​లో పరిస్థితులు మరింత దయనీయంగా మారాయి. అనేకమంది ప్రజలు అన్నింటినీ ఎక్కడికక్కడ విడిచిపెట్టి, ప్రాణ భయంతో ఇతర దేశాలకు పరుగులు తీస్తున్నారు. ఈ నేపథ్యంలో కాబుల్​ విమానాశ్రయంలో గత కొన్ని రోజులుగా భారీ రద్దీ కనిపిస్తోంది.

ఇదే అదునుగా భావించిన ఉగ్రవాదులు, గురువారం కాబుల్​ విమానాశ్రయం వద్ద ఆత్మహుతి దాడులకు తెగబడ్డారు. ఈ ఘటనలో 100 మందికిపైగా ప్రాణాలు కోల్పోయారు. ఇందులో పలువురు అమెరికా సైనికులు కూడా ఉన్నారు. ఈ రక్తపాతాన్ని తాలిబన్లు ఖండించారు.

ఐసిస్​-కే ఈ జంట దాడులకు పాల్పడినట్టు తెలుస్తోంది. ఐసిస్​-కే అంటే ఇస్లామిక్ స్టేక్​ ఖోరసన్​ ప్రావిన్స్(isis khorasan). ఇస్లామిక్ స్టేట్ ఉద్యమాన్ని మధ్య, దక్షిణాసియాకు విస్తరించడమే ఐసిస్​-కే లక్ష్యం. తాలిబన్ల(taliban latest news)ను ఐసిస్​-కే వ్యూహాత్మక ప్రత్యర్థిగా చూస్తుంది. వారిని కేవలం అధికారం కోసం పరితపించే 'హీనమైన జాతీయవాదులు'గా భావిస్తుంది. ఇస్లామిక్ స్టేట్ ఉద్యమ లక్ష్యానికి తాలిబన్లు విరుద్ధమని వారిని శత్రువులుగానే పరిగణిస్తుంది. అందుకే అఫ్గానిస్థాన్​పై దాడులు జరిపి.. జిహాదీ సంస్థల వారసత్వాన్ని స్వాధీనం చేసుకుని తామే అగ్రగామిగా అవతరించేందుకు ఐసిస్​-కే ప్రయత్నిస్తోంది.

ఐసిస్​-కే వల్ల అప్గాన్​కు మాత్రం పెద్ద ముప్పే పొంచి ఉంది. మైనారిటీలు, ప్రభుత్వ సంస్థలపై దాడులు ఎక్కువ జరగవచ్చు. ఈ ఏడాది కాబుల్​లో అమెరికా రాయబారిని చంపేందుకు కూడా ఈ సంస్థ ప్రయత్నించింది. ఇస్లామిక్ స్టేట్​ నుంచే ఐసిస్​-కేకు ఆర్థిక సాయం, సలహాలు-సూచనలు, శిక్షణా సహకారం అందేవని ఆధారాలున్నాయి. నిపుణుల ప్రకారం ఈ సంస్థకు ఐసిస్​ నుంచి దాదాపు 100 మిలియన్ డాలర్లు సమకూరాయి.

ఇదీ చూడండి:- Kabul airport blast: ముందు తాలిబన్ల కాల్పులు- కాసేపటికే పేలుళ్లు!