Union Budget 2022: భవిష్యత్ తరాలను దృష్టిలో ఉంచుకొని కేంద్ర మంత్రి నిర్మలా సీతారామన్ బడ్జెట్ను ప్రవేశ పెట్టినట్లు భారత- అమెరికా ఛాంబర్ ఆఫ్ కామర్స్ (యూఎస్ఏఐసీ) అభిప్రాయపడింది. బడ్జెట్లో అన్నీరంగాలకు సమానమైన ప్రాధాన్యం కల్పించినట్లు పేర్కొంది. వృద్ధితో పాటు ఆర్థిక పరిపుష్ఠితో ఈ సారి పద్దు ఉన్నట్లు చెప్పుకొచ్చింది.
దేశ ఆర్థిక లోటును 6.9 శాతం వద్ద ఉంచడంతో పాటు మూలధన వ్యయాన్ని 35 శాతం పెంచడం అనేది ఓ కీలక నిర్ణయంగా యూఎస్ఏఐసీ అభివర్ణించింది. ఆర్థిక మంత్రి ప్రవేశ పెట్టిన కొత్త బడ్జెట్లో రూ. 10.68 లక్షల కోట్లను మూలధన వ్యయంగా ప్రతిపాదించడం దేశ జీడీపీకి మరింత దన్నుగా నిలుస్తుందని చెప్పింది. సుమారు 4.1 శాతం మేర అధికంగా పెంచేందుకు వీలు ఉంటుందని యూఎస్ఏఐసీ అధ్యక్షుడు కరుణ్ రిషీ తెలిపారు.
కచ్చితమైన కేటాయింపులు..
దేశ ఆర్థిక లోటును దృష్టిలో ఉంచుకుని కేంద్ర మంత్రి నిర్మలా సీతారామన్ అభివృద్ధికి ప్రాధాన్యత ఇచ్చే బడ్జెట్ను రూపొందించినట్లు అమెరికా- ఇండియా స్ట్రాటజిక్ పాట్నర్షిప్ ఫోరం పేర్కొంది. ఇటువంటి పద్దును రూపొందించినందుకు గానూ ఆర్థిక మంత్రికి అభినందనలు తెలిపింది. ఈ పద్దులో అన్నీ రంగాలకు కేటాయించాల్సిన స్థాయిలో కేటాయింపులు జరిపినట్లు ఆ సంస్థ అధ్యక్షుడు ముకేశ్ అఘీ పేర్కొన్నారు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చూడండి: కొవిడ్‌ పాజిటివ్‌ వచ్చినా అక్కడ ఐసోలేషన్‌ అక్కర్లేదు
