తమిళ స్టార్ హీరో విజయ్ నటించిన వారిసు ఇటీవలే తమిళంలో విడుదలై మంచి విజయాన్ని అందుకుంది. ఇప్పుడా చిత్రం సంక్రాంతి కానుకగా తెలుగులో వారసుడుగా రిలీజ్ కానుంది. ఈ సందర్భంగా మూవీటీమ్ సినిమాకు సంబంధించి కొన్ని ఆసక్తికర విషయాలను పంచుకుంది. ఆ వివరాలివీ..
అన్నీ విజయం సాధించాలి: దిల్‌రాజు.. కంటెంట్‌పై మాకు బాగా నమ్మకం ఉంది కాబట్టి 'వారిసు' సినిమాను ఫ్యామిలీతో కలిసి చూసేలా విలేకర్లకు స్పెషల్‌ షో వేశాం. దానికి విశేష స్పందన వచ్చింది. వారంతా సినిమాకు కనెక్ట్‌ అయిపోయి, నిల్చొని చప్పట్లు కొట్టినప్పుడు మా బాధంతా మర్చిపోయాం. వంశీ, తమన్‌ పడిన కష్టాలు అన్నీఇన్నీ కావు. నా 50 సినిమాల ప్రయాణంలో ఎప్పుడూ అలాంటి పరిస్థితి చూడలేదు. సాధారణ షోలలోనూ అదే స్థాయి ఆదరణ దక్కడంతో వంశీ, తమన్‌ ఏడ్చేశారు. ప్రేక్షకుల స్పందన మా బాధ్యత పెంచుతుంది. 'ఆర్‌ఆర్‌ఆర్' చిత్ర బృందం తెలుగు సినిమా సత్తాను ప్రపంచానికి చూపిస్తే.. మేం (దిల్‌రాజు, వంశీ) తమిళ ఫిల్మ్‌ ఇండస్ట్రీలోకి వెళ్లి అక్కడ బ్లాక్‌ బ్లస్టర్‌ కొట్టి మీ ముందుకొచ్చాం. గర్వంగా ఉంది. వ్యక్తిగతంగానూ నాకు బాగా దగ్గరైన చిత్రమిది. ప్రతి సంక్రాంతికి ఫ్యామిలీని అలరించే చిత్రాన్ని అందివ్వాలని అనుకుంటూనే ఉంటా. ఈసారి 'వారసుడు' వస్తున్నాడు. ఈరోజు విడుదలైన బాలకృష్ణగారి సినిమా 'వీరసింహారెడ్డి' మంచి టాక్‌తో దూసుకెళ్తోంది. శుక్రవారం విడుదలకాబోతున్న చిరంజీవి- రవితేజల 'వాల్తేరు వీరయ్య' మంచి విజయం అందుకోవాలి. తర్వాత వచ్చే మా సినిమా కూడా విజయం సాధించాలి. అన్ని చిత్రాలకూ డబ్బులు రావాలి.
- " class="align-text-top noRightClick twitterSection" data="">
ఆయనకు సినిమా అంకితం: వంశీ.. ప్రొడక్షన్‌ డిజైనర్‌ సునీల్‌ బాబుగారికి అనారోగ్య సమస్య వచ్చినప్పుడు సినిమాకు పనిచేయడం ఆపేసి, విశ్రాంతి తీసుకోమని చెప్పా. 'మీ సినిమా కోసం ప్రాణమైనా ఇస్తా. వదిలేయలేను' అన్న భావంతో నాకు మెసేజ్‌ పంపారు. ఇప్పుడు ఆయన లేకపోవడం బాధాకరం. ఈ చిత్రాన్ని ఆయనకు అంకితమిస్తున్నా. మీరు ఆస్పత్రిలో దీనస్థితిలో ఉన్నప్పుడు మీతో ఉండేది మీ కుటుంబం మాత్రమే. ఆ ఆలోచనతో మొదలైందే ఈ సినిమా కథ. విజయ్‌కు వినిపించగానే నటించేందుకు వెంటనే గ్రీన్‌ సిగ్నల్‌ ఇచ్చారు. ప్రతి షోకు ప్రేక్షకులు నిల్చొని చప్పట్లు కొడుతున్నారనే రిపోర్ట్‌ తెలిసి చాలా సంతోషించా. మంచి సినిమా తీస్తే ప్రేక్షకులు ఎంతగానో ఆదరిస్తారోనన్న దానికి ఈ చిత్రం నిదర్శనంగా నిలుస్తుంది. సినిమాను గెలిపించేందుకు చూడకండి. సినిమాను ప్రేమించేందుకు చూడండి. నా ప్రతి సినిమాలో అమ్మ పాత్ర జయసుధగారికే. తమిళ ప్రేక్షకులంతా ఆమె, శరత్‌కుమార్‌గారి గురించే మాట్లాడుకుంటున్నారు. హీరో తల్లీతండ్రులుగా అంతబాగా ఒదిగిపోయారు. అమ్మ నిజం.. నాన్న నమ్మకం అనే దాన్ని మీరు సినిమాలో చూస్తారు. సాఫ్ట్‌వేర్‌ రంగం నుంచి చిత్ర పరిశ్రమలోకి అడుగుపెట్టినప్పుడు నేనొక చిన్న దర్శకుణ్ని అయితే చాలనుకున్నా. పెద్ద స్టార్ విజయ్‌ను డైరెక్ట్‌ చేసినందుకు కలిగిన అనుభూతిని ఎలా వివరించాలో తెలియట్లేదు. కెరీర్‌ ప్రారంభం నుంచి నా వెంట ఉన్న దిల్‌రాజుగారికి థ్యాంక్స్‌'' అని వంశీ చెప్పారు.
ఆయన మంచి మనసున్న వ్యక్తి: జయసుధ.. వారిసు పెద్ద హిట్‌ అయినందుకు చాలా ఆనందంగా ఉంది. నా సెకండ్‌ ఇన్నింగ్స్‌ను నిర్మాత దిల్‌రాజుకు అంకితం చేశా. ఆయన నిర్మించిన చిత్రాల్లో ఎన్నో అద్భుతమైన పాత్రల్లో నటించే అవకాశం నాకు ఇచ్చారు. వంశీ దర్శకత్వంలో ఎన్ని సినిమాలు చేసినా కొత్తగానే ఉంటుంది. నటన కొంచెం ఎక్కువైనా, తక్కువైనా ఆయన ఊరుకోరు. పాత్ర పరిధిమేర ఉండాలంటారు. విజయ్‌తో కలిసి నేను నటించిన తొలి చిత్రమిదే. ఆయన అద్భుతమైన నటుడేకాదు మంచి మనసున్న వ్యక్తి.
- " class="align-text-top noRightClick twitterSection" data="">
వాటికి 'వారసుడు' భిన్నం: శ్రీకాంత్‌.. గతంలో నేనెన్నో ఫ్యామిలీ మూవీస్‌ చేశా. 'వారసుడు' సినిమా వాటికి భిన్నంగా రిచ్‌గా, హృదయాన్ని హత్తుకునేలా ఉంటుంది. వంశీ కుటుంబాన్ని ఎంతగా గౌరవిస్తారో అది ఈ చిత్రంలో కనిపిస్తుంది. తెలుగువారంటే హీరో విజయ్‌కు చాలా గౌరవం. సెట్స్‌లో ఉండే ప్రతి ఒక్కరినీ ఆయన పలకరిస్తారు.
ఆయన వల్లే ఇదంతా: తమన్‌.. ఈ సినిమాకు పనిచేసిన ప్రొడక్షన్‌ డిజైనర్‌ సునీల్‌ బాబు మరణించడం చాలా బాధాకరం. ఆయన వేసిన సెట్‌ వల్ల దర్శకుడికి ఓ ఆలోచన వచ్చింది. భారీ సినిమాగా మారింది. ఆ సెట్‌ను చూసి రీరికార్డింగ్‌కు కనీసం 50 రోజుల సమయం పడుతుందనుకున్నా. నేను మంచి సంగీతం అందించానంటే దానికి కారణం సునీల్‌ గారే. జయసుధగారిలో మా అమ్మను చూసుకున్నా. సినిమాను చూశాక 'ఇది చేసింది మేమేనా' అనే ఆశ్చర్యం కలిగింది. భావోద్వేగాన్ని తట్టుకోలేక ఏడ్చేశా. నేను కంటతడిపెట్టుకుని 15 ఏళ్లయింది.
- " class="align-text-top noRightClick twitterSection" data="">
ఇదీ చూడండి: ఆర్జీవీలా హైపర్ ఆది.. ఆ అమ్మాయి వల్లే జబర్దస్త్ వదిలేశాడంటా!
