దిగ్గజ దర్శకుడు మణిరత్నం కరోనా బారిన పడ్డారు. ఆయన ప్రస్తుతం చెన్నైలోని అపోలో ఆసుపత్రిలో చికిత్స పొందుతున్నారు. ఆయన దర్శకత్వం వహించిన చారిత్రక నేపథ్య చిత్రం ‘పొన్నియన్‌ సెల్వన్‌-1’ సెప్టెంబరు 30న విడుదల కానుంది. గత వారం ఈ చిత్రం టీజర్‌ లాంఛ్‌ కార్యక్రమంలో మణిరత్నంతోపాటు చిత్ర బృందం పాల్గొంది.
అయితే.. ఆ సమయంలో ఎవరూ కొవిడ్‌ నియమాలను పాటించలేదు. కొన్ని నెలల క్రితం పొన్నియన్‌ సెల్వన్‌-1లో కీలక పాత్ర పోషించిన శరత్‌ కుమార్‌ కరోనాకు గురై వెంటనే కోలుకున్నారు. ఈ చిత్ర కథానాయకుడు విక్రమ్‌ కూడా ఇటీవల అస్వస్థతకు గురైన విషయం తెలిసిందే. ఇప్పుడు ఆ చిత్ర దర్శకుడు ‘మణిరత్నం’ కరోనా బారిన పడటంతో అభిమానులు ఆందోళన చెందుతున్నారు.
ఇదీ చదవండి: లెజెండరీ సింగర్ కన్నుమూత.. ప్రధాని సహా ప్రముఖుల సంతాపం
