కోలీవుడ్‌ దర్శకుడు శంకర్ గురించి ప్రత్యేకంగా పరిచయం చేయాల్సిన అవసరం లేదు. భారీ చిత్రాలకు కేరాఫ్ అడ్రస్. ఇండియన్ సినిమాల్లో త‌న‌కంటూ ఓ స్థానాన్ని ద‌క్కించుకున్న ఈయన. మెసేజ్ ఒరియెంటెడ్ సినిమాల‌కు భారీ స్థాయిలో క‌మ‌ర్షియ‌ల్ హంగుల‌ను అద్ది సక్సెస్ను అందుకున్నారు.
అయితే ఇప్పుడాయన మరో సంచలనానికి తెర తీయనున్నారని తెలుస్తోంది. ఏకంగా రూ. 1000 కోట్ల బడ్జెట్‌తో భారీ చిత్రాన్ని తెరకెక్కించనున్నారని టాక్. ఎస్‌. వెంకటేశ్‌ చారిత్రక నేపథ్యంలో రాసిన నేర్పాలి అనే నవలను సినిమాగా తెరకెక్కించనున్నారని సమాచారం. ఈ భారీ బడ్జెట్ చిత్రంలో సూర్య హీరోగా నటించనున్నట్లు టాక్. మరి ఇందులో నిజమెంతో తెలియాలంటే మూవీ అధికార ప్రకటన వచ్చే వరకు వేచి ఉండాల్సిందే. కాగా, శంకర్ ప్రస్తుతం.. రామ్‌చరణ్తో ఆర్సీ 15 సినిమాను తెరకెక్కిస్తున్నారు. మరోవైపు కమల్హాసన్ హీరోగా ఇండియన్-2 రూపొందిస్తున్నారు. ఈ సినిమాల తర్వాత సూర్యతో కొత్త చిత్రాన్ని మొదలు పెట్టనున్నారని తెలుస్తోంది.
ఇదీ చూడండి: టర్కీ నుంచి కృష్ణంరాజుకు బాలయ్య నివాళి.. మూవీటీమ్తో కలిసి మౌనం..
