Chiranjeevi vs Vikram: 'ఆచార్య'తో ప్రేక్షకుల్ని పలకరించిన మెగాస్టార్ చిరంజీవి.. తన కొత్త సినిమా 'గాడ్ఫాదర్'ను కూడా త్వరలోనే థియేటర్లలో విడుదల చేయాలని సన్నాహాలు చేస్తున్నట్లు తెలిసింది. ఆగస్ట్ రెండో వారంలో రిలీజ్ చేయాలని ప్లాన్ చేస్తున్నారట. దీనికి తమిళ దర్శకుడు మోహన్రాజా దర్శకత్వం వహిస్తున్నారు. అయితే ఇప్పటికే ఆగస్టు రెండో వారంలో ఖర్చీఫ్ వేసారు తమిళ స్టార్ హీరో విక్రమ్. ఆయన హీరోగా నటించిన 'కోబ్రా' ఆసగ్టు 11న భారీ స్థాయిలో విడుదల కానుంది. దీంతో బాక్సాఫీస్ వద్ద చిరు-విక్రమ్ల మధ్య వార్ తప్పనిసరి అని సినీవర్గాలు అంటున్నాయి. మరి ఏం జరుగుతుందో చూడాలి. అయితే వీరిద్దిరితో పాటు అఖిల్ 'ఏజెంట్', సమంత 'యశోద' కూడా అదే వారంలో రిలీజ్ కానున్నాయి.
Vamshi Paidipally NTR movie: 'ఆర్‌ఆర్‌ఆర్‌'తో పాన్‌ ఇండియా స్థాయిలో గుర్తింపు తెచ్చుకున్నారు యంగ్‌టైగర్‌ ఎన్టీఆర్. ఆ సినిమా విజయంతో ఫుల్‌ హ్యాపీగా ఉన్నారు. ఇక మే 20న తన పుట్టినరోజు వేడుకలను ఎన్టీఆర్ జరుపుకొన్నారు. క్లోజ్‌ఫ్రెండ్స్‌ సమక్షంలో ఎన్టీఆర్ నివాసంలో జరిగిన ఈ బర్త్‌డే సెలబ్రేషన్స్‌కు సంబంధించిన ఫొటోలు తాజాగా నెట్టింట వైరల్‌గా మారాయి. ఈ వేడుకల్లో దర్శకుడు వంశీ పైడిపల్లి కూడా పాల్గొనడంతో నెటిజన్లు పలు సందేహాలు వ్యక్తం చేస్తున్నారు. ప్రస్తుతం కోలీవుడ్‌ స్టార్ విజయ్‌తో సినిమా చేస్తోన్న వంశీ.. తన తదుపరి ప్రాజెక్ట్‌ని ఎన్టీఆర్‌తో చేయనున్నారా? ఎన్టీఆర్-వంశీ కాంబోలో సినిమా రానుందా? అంటూ సోషల్‌మీడియాలో పోస్టులు పెడుతున్నారు. వంశీ-ఎన్టీఆర్ కాంబోలో ఇప్పటికే ‘బృందావనం’ సినిమా వచ్చిన సంగతి తెలిసిందే. ఇక, తారక్‌ ప్రస్తుతం కొరటాల శివ, ప్రశాంత్ నీల్ ప్రాజెక్ట్‌లపై దృష్టి సారించారు. ఆ రెండు ప్రాజెక్టులు పూర్తయ్యాక ‘ఉప్పెన’ డైరెక్టర్‌ బుచ్చిబాబుతో తారక్‌ సినిమా చేసే అవకాశాలు ఉన్నట్లు సమాచారం.
ఇదీ చూడండి: కమల్హాసన్ డేట్స్ కోసం జక్కన్న, ప్రశాంత్ నీల్ ప్రయత్నాలు!
