ఆంధ్రప్రదేశ్లోని నెల్లూరు జిల్లా తెలుగు గంగ కాలనీ వద్ద ఓవెల్ స్కూల్లో దారుణం జరిగింది. నాలుగో తరగతి చదువుతున్న ఓ విద్యార్థిని పట్ల స్కూల్లో పీఆర్వో పని చేసే బ్రహ్మయ్య అసభ్యంగా ప్రవర్తించినట్లుగా బాధిత కుటుంబసభ్యులు తెలిపారు. కొద్ది రోజులుగా బాలికను తరగతి గదుల్లోకి తీసుకెళ్లి లైంగిక దాడికి యత్నిస్తున్నాడని వారు ఆరోపించారు. ఈ విషయం ఎవరికైనా చెబితే తల్లిదండ్రులను చంపేస్తానని బ్రహ్మయ్య బాలికను బెదిరించాడనే ఆరోపణలు వెలుగులోకి వచ్చాయి.
దీంట్లో భాగంగా బాలిక అస్వస్థతకు గురవడంతో తల్లితండ్రులు గుర్తించి విచారించగా అసలు విషయం బయటపడింది. దీంతో ఆగ్రహానికి గురైన బాధిత కుటుంబ సభ్యులు స్కూల్ యాజమాన్యంతో గొడవకు దిగారు. బాధితులు పోలీసులకు ఫిర్యాదు చేయగా బ్రహ్మయ్యను అరెస్ట్ చేశామని తెలిపారు. గతంలోనూ బ్రహ్మయ్య పైన లైంగిక ఆరోపణలు ఉన్నట్లుగా తెలిసింది. బాలిక పట్ల అసభ్యంగా ప్రవర్తించిన బ్రహ్మయ్యను శిక్షించాలని స్కూల్ వద్ద తల్లిదండ్రులు ఆందోళన చేశారు.
ఇవీ చదవండి:
