Fake certificates gang arrest: యూనివర్సిటీల నకిలీ ధ్రువీకరణ పత్రాలు తయారు చేస్తున్న ముఠా గట్టురట్టయింది. దాదాపు 13 విశ్వవిద్యాలయాలకు చెందిన 140 బోగస్ ధ్రువీకరణ పత్రాలు సృష్టించి ఇప్పటికి 30మందికి ఇచ్చారని మధ్య మండల డీసీపీ రాజేష్ చంద్ర తెలిపారు. ఈ నకిలీ సర్టిఫికెట్స్ దందా చలామణి చేస్తున్న 4 ముఠా సభ్యులను అరెస్ట్ చేసినట్లు పేర్కొన్నారు. కొంతమంది యూనివర్సిటీ కంప్యూటర్ ఆపరేటర్స్తో కుమ్మకై ఈ దందా చేస్తున్నారని తెలిపారు. నిందితులపై హైదరాబాద్లోని పలు పోలీసుస్టేషన్లలో చీటింగ్ కేసులు నమోదయ్యాయని పేర్కొన్నారు.
నకిలీ సర్టిఫికెట్స్ ద్వారా ఎలాంటి ఉద్యోగం పొందిన తరువాత అనేక ఇబ్బందులకు గురువుతారని తెలిపారు. ఒక్కొక్క సర్టిఫికెట్కు రూ.50వేల నుంచి లక్ష వరకు ముఠా సభ్యులు వసూలు చేశారని... మరో ఇద్దరు కీలక వ్యక్తులు పరారీలో ఉన్నారని తెలిపారు. నలుగురు నిందితులైనా మహమ్మద్ ఏతేషాం ఉద్దిన్ ఉస్సేన్, మొహమ్మద్ అబ్దుల్ ఖాదర్, మొహమ్మద్ అల్తాఫ్ అహ్మద్, మొహమ్మద్ ఇమ్రాన్ను అరెస్ట్ చేసి రిమాండ్కు తరలించినట్లు డీసీపీ తెలిపారు.
ఇవీ చదవండి:
