భార్య కాపురానికి రావడం లేదని మనస్తాపం చెందిన ఓ వ్యక్తి ఉరి వేసుకుని బలవన్మరణానికి పాల్పడ్డాడు. ఈ ఘటన సంగారెడ్డి జిల్లా పటాన్‌చెరు మండలం ఇంద్రేశం గ్రామంలో జరిగింది.
జిల్లాలోని ఇంద్రేశం గ్రామానికి చెందిన షేక్ సలీమ్‌ (35)కు ఏడాది క్రితం భార్యతో గొడవైంది. ఈ కారణంగా వారిద్దరూ విడిగా ఉంటున్నారు. సలీమ్‌ తన స్వగ్రామంలోనే ఉండగా.. అతని భార్య రామచంద్రాపురం గ్రామంలో పిల్లలతో కలిసి తన తల్లిదండ్రులతో ఉంటోంది.
కాపురానికి రావాల్సిందిగా అతడు తన భార్యను చాలాసార్లు కోరినా.. అందుకు ఆమె నిరాకరించింది. ఈ క్రమంలో మనస్తాపానికి గురైన సలీమ్‌ తన గదిలోని ఫ్యానుకు ఉరివేసుకుని ఆత్మహత్యకు పాల్పడ్డాడు. ఘటనా స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు.
ఇదీ చదవండి: Wife Killed Husband: కూల్డ్రింక్లో ఎలుకల మందు కలిపి
