భారత్లో కరోనా కేసులు మళ్లీ భారీగా పెరిగాయి. ఒక్కరోజే 17,336 మందికి వైరస్ సోకింది. మరో 13 మంది చనిపోయారు. 13,029 మంది కోలుకున్నారు.
ఆన్లైన్ యాప్లో ఓ వ్యక్తి.. పెద్ద మొత్తంలో పెట్టుబడులు పెట్టి మోసపోయాడు. తీరా చేసేదేమీ లేక.. పోలీసులను ఆశ్రయించాడు. ఫిర్యాదు అందుకున్న పోలీసులు.. జరిగిన ఆన్లైన్ మోసాన్ని ఛేదించారు. నిందితులు ఖాతా నుంచి లావాదేవీల వివరాలు చూసి షాక్ అయ్యారు. సుమారు రూ.300 కోట్లు టోకరా చేసినట్లు గుర్తించారు. ఈ సంఘటన హరియాణాలో వెలుగు చూసింది.
- సికింద్రాబాద్ విధ్వంసంలో అదృశ్య శక్తులు..?
సికింద్రాబాద్ అల్లర్లలో కేవలం నిరుద్యోగులు, సైనిక ఉద్యోగార్థులు మాత్రమే ఉన్నారా..? లేక ఇంకెవరైనా ఉన్నారా..? అనే అనుమానం పోలీసుల్లో రేకెత్తుతోంది. దాన్ని నివృత్తి చేసుకునేందుకు.. ఆ దిశగా విచారణ మొదలుపెట్టారు. మరోవైపు ఈ ఘటనపై నివేదిక సమర్పించాల్సిందిగా కేంద్రం తాజాగా రాష్ట్ర పోలీసుశాఖను కోరినట్లు తెలుస్తోంది.
- ధీరా.. ది ఫుడ్ డెలివరీ రోబో
రెస్టారెంట్లలో మన టేబుల్ వద్దకు ఫుడ్ తీసుకొచ్చే రోబోలను చూశాం. వాటి కోసమే స్పెషల్‌గా ఆ రెస్టారెంట్‌కి చాలా సార్లు వెళ్లుంటాం. కానీ ఫుడ్ డెలివరీకి కూడా రోబోలు రాబోతున్నాయంట. అదీ మన భాగ్యనగరంలో. హైదరాబాద్‌లోని గేటెడ్ కమ్యూనిటీల్లో, అపార్ట్‌మెంట్లలో తమ సేవలందించేందుకు రెడీ అవుతున్నాయి ధీరా రోబోలు. దేశంలోనే మొదటిసారిగా ఈ రోబోలు భాగ్యనగరవాసులకు సేవలందించనున్నాయి.
- ఎన్డీఏ అభ్యర్థికి వైకాపా మద్దతు
ప్రత్యేక హోదా లాంటి షరతులేమీ లేకుండానే ఎన్టీఏ తరఫు రాష్ట్రపతి అభ్యర్థిని బలపరచాలని నిర్ణయించింది వైకాపా. ద్రౌపదీ ముర్ము నామినేషన్‌కు పార్టీ తరఫున విజయసాయిరెడ్డి, మిథున్‌రెడ్డిలు హాజరుకానున్నారు.
- సేవల్లో లోపముందని.. అమెజాన్‌కు జరిమానా
వినియోగదారునికి మెరుగైన సేవలే లక్ష్యంగా అన్ని కంపెనీలు పనిచేస్తుంటాయి. అందులోనూ డిజిటల్ సంస్థలైతే.. వినియోగదారుడి నుంచి మరింత మెప్పు పొందేందుకు మన్నికైన సేవలు అందిస్తూ ఆకర్షించేందుకు ప్రయత్నిస్తుంటాయి. ఒకవేళ వినియోగదారులకు ఎలాంటి అసౌకర్యం కలిగించినా.. పెద్ద మొత్తంలోనే మూల్యం చెల్లించుకోవాల్సి వస్తుంది. దానికి నిదర్శనమే ఈ ఘటనలు.. అవేంటో మీరే చూడండి.
- జులై ఏడు నుంచి కాకతీయ ఉత్సవాలు
రాష్ట్రంలోని పలు ప్రాంతాల్లో కాకతీయ ఉత్సవాలను ఘనంగా నిర్వహించేందుకు ప్రభుత్వం సిద్ధమైంది. జులై ఏడు నుంచి ఈ ఉత్సవాలను వారం రోజుల పాటు వైభవంగా నిర్వహించేందుకు అన్ని రకాల ఏర్పాట్లు చేస్తోంది.
- ఈ ఐదు యాప్స్‌ చాలా డేంజర్
డేటాను తస్కరిస్తున్న ఐదు ప్రమాదకరమైన మాల్‌వేర్‌ యాప్‌లను ఇటీవల గుర్తించిన గూగుల్.. తాజాగా వాటిని ప్లే స్టోర్ నుంచి తొలగించింది. అవేంటో తెలుసుకుందాం.
- తగ్గిన బంగారం, వెండి ధరలు
బంగారం, వెండి ధరలు తగ్గాయి. ఆంధ్రప్రదేశ్, తెలంగాణలో 10 గ్రాముల పసిడి ధర రూ.52,300గా ఉంది. కిలో వెండి ధర రూ.61,300గా ఉంది.
- ఆ సర్జరీ వికటించి మరో అందాల తార మృతి
సర్జరీ వికటించి అందాల పోటీల విజేత గ్లేసీ కారియా మృతిచెందింది. 27 ఏళ్ల వయసులోనే ప్రాణాలు కోల్పోయింది.
