టెక్ కంపెనీల్లో ఉద్యోగుల తొలగింపుల పరంపర కొనసాగుతోంది. తాజాగా ఈ జాబితాలోకి దిగ్గజ టెక్ కంపెనీ ఐబీఎఎమ్ చేరింది. ఈ సంస్థ దాదాపు 3,900 ఉద్యోగాలకు కోత విధిస్తున్నట్లు తెలుస్తోంది. ఈ తొలగింపులు ఐబీఎమ్లో ఉన్న 2,80,000 ఉద్యోగుల్లో 1.4 శాతమని సమాచారం.
గత డిసెంబర్తో ముగిసిన నాలుగో త్రైమాసికంలో ఈ కంపెనీ 1 బిలియన్ యూఎస్ డాలర్ల మేరకు నష్టాలు చవిచూసింది. ఐబీఎమ్, ఐటీ సేవల కంపెనీ కిండ్రిల్ హోల్డింగ్స్పై భారం పడుతుండడమే ఈ తొలగింపులు చేపట్టడానికి కారణంగా ఐబీఎమ్ ప్రతినిధి ఒకరు చెప్పినట్లు ఓ అంతర్జాతీయ వార్తా సంస్థ పేర్కొంది.
ఆర్థిక అనిశ్చితి, మాంద్యం తప్పదేమోనన్న భయాలతో టెక్ కంపెనీలు ఖర్చులకు వెనకాడుతున్నాయి. అందులో భాగంగానే ఉద్యోగాలకు కోత విధిస్తున్నాయి. గత కొన్ని నెలలుగా ఈ తొలగింపుల ప్రక్రియ కొనసాగుతోంది. మరో టెక్ దిగ్గజం మైక్రోసాఫ్ట్ కూడా ఉద్యోగుల్ని తొలగిస్తున్నట్లు ప్రకటించింది. సాఫ్ట్వేర్, క్లౌడ్ సేవల డిమాండ్ తగ్గపోవడం వల్ల, మంగళవారం ఈ కంపెనీ వృద్ధిరేటు ఆరేళ్ల కనిష్ఠానికి పడిపోయింది. ఇంతక ముందు ట్విట్టర్, అమెజాన్, మెటా లాంటి దిగ్గజ టెక్ కంపెనీలు ఉద్యోగాల్లో కోతలు విధించాయి.
