How to Find If Festive Offers are Fake Or Real in Online : దసరా పండగ సీజన్లో భాగంగా.. అమెజాన్, ఫ్లిప్కార్ట్ వంటి ఇ-కామర్స్ సంస్థలు భారీ ఆఫర్లు పెడుతుంటాయి. ఈ ప్రత్యేక సేల్లో మీరు ఏదైనా వస్తువు కొనుగోలు చేయాలనుకుంటున్నారా? అయితే.. కచ్చితంగా ఈ స్టోరీ మీరు చదవాల్సిందే. లేదంటే ఆర్థికంగా నష్టపోయే అవకాశాలు మెండుగా ఉన్నాయి. ఇందుకు సంబంధించిన పూర్తి వివరాలు తెలియాలంటే ఈ స్టోరీ చదవాల్సిందే.
దసరా, దీపావళి నేపథ్యంలో.. కొత్త కొత్త వస్తువులతో కస్టమర్లను ఊరించి.. క్యాష్ చేసుకునే పనిలో ఆన్లైన్ సంస్థలు నిమగ్నం అయ్యాయి. ఇప్పటికే.. అమెజాన్ గ్రేట్ ఇండియన్ ఫెస్టివల్ సేల్ 2023(Amazon Great Indian Festival Sale), ఫ్లిప్కార్ట్ "బిగ్ బిలియన్ డేస్(Big Billion Days)" పేరుతో ఆఫర్ల పండగకు తెరలేపాయి. ఈ సేల్స్ అక్టోబర్ 8 నుంచి ప్రారంభమైన విషయం తెలిసిందే.
Flipkart Big Billion Days Sale 2023 Offers : పండగ సీజన్ ప్రత్యేక సేల్లో భాగంగా అమెజాన్, ఫ్లిప్కార్ట్ అన్ని రకాల ప్రొడక్ట్స్‌పై భారీగా డిస్కౌంట్స్‌ను అందిస్తున్నాయి. స్మార్ట్ ఫోన్స్‌(Smart Phones) నుంచి మొదలు పెడితే టీవీల వరకు.. అలాగే వాషింగ్ మిషిన్స్‌ మొదలుకొని గృహోపకరణాల వరకు అన్నింటిపైనా ఊహకందని ఆఫర్స్తో కస్టమర్లను ఆకర్షిస్తున్నాయి.
Amazon Great Indian Festival Sale 2023 Offers : దీంతో.. చాలా మంది వినియోగదారులు కొనుగోళ్లు చేసేస్తున్నారు. ఫెస్టివల్ సీజన్లో తక్కువ ధరకు వస్తాయనే ఉద్దేశ్యంతో చాలా రోజుల నుంచి వెయిట్ చేసినవాళ్లు కూడా ఇప్పుడు కొనేస్తున్నారు. అయితే.. సైబర్ నేరగాళ్లు కూడా సరిగ్గా ఈ సమయం కోసమే ఎదురు చూస్తూ ఉంటారు. మీలాగనే వెయిట్ చేస్తుంటారు. ఎలాంటి అనుమానం రాకుండా ఇ-కామర్స్ సంస్థలు అందించే ఆఫర్ల మాదిరిగానే నకిలీ ఆఫర్లను ప్రవేశపెట్టి మిమ్మల్ని నిండా ముంచేసేందుకు చూస్తుంటారు. అందుకే.. అవి ఒరిజినల్ ఆఫర్లు అని తెలుసుకున్న తర్వాతనే ఆర్డర్ పెట్టాలి.
Alert on Flipkart Big Billion Days Sale and Amazon Sale Offers : ఇక, మరో విషయం ఏమంటే.. అఫీషియల్ సైట్లు కూడా ప్రకటిస్తున్న ఆఫర్లు నిజమైనా? కాదా? వాళ్లు చెప్పినంత శాతం నిజంగానే ఆఫర్ ఇస్తున్నారా? ఆ వస్తువు అసలు ధర ఎంత? అనే వివరాలు కూడా తెలుసుకోవాలి. ఇందుకోసం ఆన్లైన్లోనే మీకు చక్కటి అవకాశం ఉంది. దీనికోసం మీరు చేయాల్సిందల్లా ఒక్కటే. మీ ఫోన్లో BuyHatke Chrome Extension ఓపెన్ చేయడం. దాన్ని ఓపెన్ చేసి, అందులో మీరు కొనుగోలు చేయాలనుకుంటున్న వస్తువు ధరల హిస్టరీ చెక్ చేయండి. దీని ద్వారా మీరు చాలా సులభంగా అమెజాన్, ఫ్లిప్కార్ట్ మెగా సేల్(Flipkart Big Billion Days Sale) లో ప్రకటించిన ఆఫర్లలో ఎంత శాతం నిజం ఉంది అనేది తెలిసిపోతుంది.
ఈ BuyHatke Chrome Extension ప్రతీ వస్తువుకు సంబంధించి.. గడిచిన 90 రోజుల పూర్తి ధర హిస్టరీని మీకు గ్రాఫ్ రూపంలో చూపిస్తుంది. డిస్కౌంట్ ప్రామాణికతను ధ్రువీకరించడానికి Buyhatke మీకు టూల్స్‌తో అధికారం ఇస్తుంది. దాని ద్వారా మీరు కొనుగోలు చేసే వస్తువు బయట మార్కెట్లో ఎంత ఉంది? ఇక్కడ ఆఫర్లో ఎంత ఉంది? అనే దానిపై ఒక అవగాహన వస్తుంది. అప్పుడు మీరు ఆ వస్తువును కొనుగోలు చేయవచ్చో లేదో పూర్తి క్లారిటీ వస్తుంది.
