కరోనా మహమ్మారితో ఏర్పడిన నష్టాన్ని తగ్గించుకునేందుకు బ్రిటన్కు చెందిన ప్రముఖ విలాసవంతమైన కార్ల తయారీ సంస్థ బెంట్లీ.. ఉద్యోగాల తొలగింపు ప్రక్రియ చేపట్టింది. ప్రస్తుతం 1000 మంది ఉద్యోగులకు ఉద్యాసన పలికినట్లు ప్రకటించింది. భవిష్యత్లో మరింత మందిని తొలగిస్తామని స్పష్టం చేసింది.
ప్రస్తుతం స్వచ్ఛంద విరమణ ద్వారా ఉద్యోగులను తొలగిస్తున్నామని.. కానీ, భవిష్యత్లో తప్పనిసరి ప్రాతిపదికన ఉద్యోగులకు ఉద్వాసన పలికే అవకాశం ఉందని పేర్కొంది. వృద్ధి ప్రణాళికలను కరోనా మహమ్మారి తీవ్రంగా దెబ్బతీసిందని, తప్పనిసరై ఉద్యోగులను తొలగించాల్సి వస్తోందని విచారం వ్యక్తం చేసింది. సంస్థలో ప్రస్తుతం 4200 మంది ఉద్యోగులు ఉన్నారు.
లండన్కు చెందిన మరో కార్ల తయారీ సంస్థ ఆస్టన్ మార్టిన్.. 500 ఉద్యోగాలు తొలగిస్తున్నట్లు ప్రకటించింది.
ఇదీ చూడండి: నిధుల సమీకరణపై టాటా గ్రూప్ కీలక ప్రకటన
