ప్రైమ్ డే సేల్ పేరుతో ఈ-కామర్స్ దిగ్గజం అమెజాన్ ఇచ్చే ఆఫర్లు అన్నీ ఇన్నీ కావు. ఈసారి జులై 15-16 వస్తున్న ప్రైమ్ డే సేల్లో యువతకు బంపర్ ఆఫర్ ప్రకటించింది అమెజాన్.
ఈ రెండు రోజులు రూ. 999 ఖరీదైన అమెజాన్ ప్రైమ్ సభ్యత్వాన్ని సగం ధరకే... అంటే రూ. 500లకే ఇవ్వనున్నట్లు వెల్లడించింది. అయితే 18 నుంచి 24 ఏళ్ల మధ్య వయస్సున్న ఉన్న యువతకు మాత్రమే ఈ ఆఫర్ అందుబాటులో ఉంచింది అమెజాన్.
ప్రైమ్ సభ్యత్వం పొందడం ఇలా...
అమెజాన్ ప్రైమ్ సభ్యత్వాన్ని తీసుకోవాలని అనుకునే యువత అమెజాన్ ప్రైమ్ యాప్‌లో యూత్‌ ఆఫర్‌పై క్లిక్ చేసి సభ్యత్వ రుసుము రూ.999 లను డెబిట్/క్రెడిట్ కార్డు ద్వారా గానీ, ఇంటర్నెట్ బ్యాంకింగ్ ద్వారా గానీ చెల్లించాల్సి ఉంటుంది.
చెల్లింపు పూర్తయిన తర్వాత యూజర్ చిరునామా వివరాలు, పాన్‌కార్డు, ఫొటో అప్‌లోడ్‌ చేయాలి.
వయస్సు ధ్రువీకరణ పూర్తయిన తర్వాత 50 శాతం క్యాష్ బ్యాక్ (రూ.500) యూజర్ల అమెజాన్ పే ఖాతాలో జమ అవుతాయి. ఈ క్యాష్ బ్యాక్ను తిరిగి అమెజాన్లో షాపింగ్ చేసేందుకు, రీచార్జ్లకు వినియోగించుకోవచ్చు.
క్యాష్ బ్యాక్ పొందేందుకు 24 గంటల నుంచి 10 రోజుల వరకు సమయం పట్టొచ్చని అమెజాన్ ఓ ప్రకటనలో వెల్లడించింది.
ఇదీ చూడండి: ఫేస్బుక్కు 500 కోట్ల డాలర్ల భారీ జరిమానా!
