దేశంలోని 3 ప్రభుత్వ రంగ బీమా సంస్థలకు మూలధనం అందించే ప్రతిపాదనకు కేంద్రమంత్రివర్గం ఆమోదం తెలిపింది. ఫలితంగా నేషనల్ జనరల్ ఇన్స్యూరెన్స్ కంపెనీ, ఓరియంటల్ ఇన్స్యూరెన్స్ కంపెనీ, యునైటెడ్ ఇండియా ఇన్స్యూరెన్స్కు రూ.2,500 కోట్లు సమకూరనుంది. దిల్లీలో ప్రధాని నరేంద్ర మోదీ నేతృత్వంలో సమావేశమైన కేబినెట్... మరికొన్ని కీలక నిర్ణయాలు తీసుకుంది.
మంత్రివర్గం నిర్ణయాలు...
- ఈ పార్లమెంటు సమావేశాల్లో క్రిమిసంహారక మందుల నియంత్రణ బిల్లు-2020 ప్రవేశపెట్టేందుకు అంగీకారం
- వివాద్ సే విశ్వాస్ బిల్లులో పలు మార్పులకు ఆమోదం
- మత్స్య పరిశ్రమ సుస్థిరాభివృద్ధికి సంబంధించి భారత్-ఐస్లాండ్ మధ్య అవగాహన ఒప్పందానికి ఆమోదం
- రెట్టింపు పన్నుల తొలగింపు, ఆర్థిక లోటుకు సంబంధించి భారత్-శ్రీలంక మధ్య నిబంధనల సవరణకు ఆమోదం
