పొట్టిగా ఉండటం వల్ల తనకు వివాహం కావడం లేదంటూ వార్తల్లో నిలిచిన ఉత్తర్ప్రదేశ్కు చెందిన మరుగుజ్జు యువకుడు అజీమ్ మన్సూరీ త్వరలో పెళ్లి చేసుకోబోతున్నాడు. రెండున్నర అడుగులు ఉన్న అజీమ్కు హాపుర్ ప్రాంతానికి చెందిన బుష్రాను నవంబర్ 7న పెళ్లి చేసుకోనున్నారు. ఈ క్రమంలోనే బుధవారం అజీమ్ను వరుడిగా ముస్తాబు చేశారు. పెళ్లికొడుకు దుస్తుల్లో మెరిసిపోయాడు అజీమ్. యువతి దొరికినా ఇంట్లోవాళ్లు పెళ్లి చేయడం 2019 నుంచి.. లేదని చాలా సార్లు పోలీస్స్టేషన్కు వెళ్లాడు అజీమ్. ఈ క్రమంలోనే దేశవ్యాప్తంగా ఫేమస్ అయ్యాడు.
పెళ్లి చేసుకోబోతున్న సంతోషంలో ఊరేగింపుగా హాపుర్కు బయల్దేరాడు అజీమ్ మన్సూరి. కారును పూలతో అందంగా అలంకరించాడు. ఖరీదైన షేర్వానీ ధరించి.. తన కుటుంబ సభ్యులు, బంధువులతో హాపుర్ వెళ్తున్నాడు. నవంబర్ 7న వివాహం జరగనుందని తెలిపాడు. అదేరోజు సాయంత్రంలోగా తిరిగి అందరం కలిసి ఇంటికి చేరుకుంటామని చెప్పాడు అజీమ్. ఈ సందర్భంగా కాబోయే భార్యకు ఓ సర్ప్రైజ్ ఇవ్వబోతున్నాడు అజీమ్. ఆమెకు బంగారు ఉంగరాన్ని ఇవ్వనున్నట్లు తెలిపాడు.
అయితే, తన పెళ్లి విషయంలో కొంత అసంతృప్తితో ఉన్నాడు అజీమ్. వివాహానికి దేశ ప్రధాని, యూపీ ముఖ్యమంత్రిని ఆహ్వానించాలని అజీమ్ తొలుత భావించాడు. యూపీలోని ఇతర రాజకీయ ప్రముఖులకు సైతం ఆహ్వానం పలకాలని అనుకున్నాడు. అయితే, ఇప్పుడు వారిని పిలవలేకపోతున్నట్లు తెలిపాడు అజీమ్. వివాహం జరిగిన తర్వాత అయినా.. వారిని తప్పక కలుస్తానని చెబుతున్నాడు. తనకు ఎంతగానో సహాయం చేసిన పోలీసులకు స్వీట్ బాక్స్లను అందించాడు అజీమ్. అయితే, తన భార్యను హనీమూన్కు తీసుకెళ్లనని... మక్కాకు వెళ్లి ప్రార్థనలు చేసి కుటుంబంతో సంతోషంగా ఉంటానని తెలిపాడు.
