12వ తరగతిలో 93.6 శాతం ఉత్తీర్ణతతో టాపర్గా నిలిచిన ఓ విద్యార్థిని.. నీట్ పరీక్ష బాగా రాయలేదన్న మనస్తాపంతో ఆత్మహత్య చేసుకుంది. ఈ ఘటన తమిళనాడులోని అరియాలుర్ జిల్లా చాతంబడి గ్రామంలో సోమవారం జరిగింది.
ఆదివారం నాడు నీట్ పరీక్ష (NEET 2021) రాసిన కనిమొళి.. తాను పరీక్ష బాగా రాయలేదని తండ్రితో చెప్పింది. డాక్టర్ కావాలన్న తన కల నెరవేరదని మనస్తాపం చెందిన ఆ బాలిక.. సోమవారం నాడు ఉరి వేసుకొని ఆత్మహత్య చేసుకుంది. అయితే.. ఈ విద్యార్థిని కొన్ని నెలల క్రితం విడుదలైన 12వ తరగతి పరీక్షల ఫలితాల్లో 93.6 శాతం ఉత్తీర్ణత సాధించడం గమనార్హం.
ఇటువంటిదే మరో ఘటన ఆదివారం జరిగింది. సేలం జిల్లాకు చెందిన ధనుష్ అనే విద్యార్థి.. నీట్ పరీక్ష సరిగ్గా రాయలేదన్న మనస్తాపంతో ఆత్మహత్య చేసుకున్నాడు.
తమిళనాడు ప్రభుత్వం కూడా నీట్కు సంబంధించి ప్రత్యేక బిల్లును అసెంబ్లీలో సోమవారం ప్రవేశపెట్టింది. మెడికల్ కాలేజీల్లో అడ్మిషన్ కోసం నీట్ నుంచి మినహాయింపు ఇవ్వాలని బిల్లులో పేర్కొంది.
ఇదీ చూడండి : దీదీ నామినేషన్ తిరస్కరించాలని ప్రియాంక డిమాండ్
